उड्डाणपुलाचे नोव्हेंबर अखेर टेंडर, IT पार्क होटगी रोडलाच होणार…!

मुख्यमंत्री देवेंद्र फडणवीस यांनी सोलापूर शहरातील दोनही उड्डाणपुलाच्या भूसंपादनासंदर्भात आज विधान भवनात भारतीय राष्ट्रीय महामार्ग प्राधिकरणाचे अधिकारी, सोलापूर जिल्हाधिकारी एस कार्तिकेयन तसेच वरिष्ठ अधिकाऱ्यांसमवेत महत्त्वाची बैठक घेतली. या बैठकीस पालकमंत्री जयकुमार गोरे, आमदार देवेंद्र कोठे उपस्थित होते. उड्डाणपुलाचे सर्व अडथळे दूर झाले असून भूसंपादन तातडीने करून नोव्हेंबर अखेरपर्यंत या दोन्ही उड्डाणपूलांचे टेंडर काढले जातील असा प्रयत्न सुरू आहे अशी माहिती पालकमंत्री जयकुमार गोरे यांनी दिली. होटगी रोडवरील जलसंपदा विभागाच्या 50 एकर जागेवरच आयटी पार्क होणार असून त्याची जागा येत्या आठ दिवसात एमआयडीसीला हस्तांतरण केली जाईल असाही निर्णय घेण्यात आला. होटगी रोडवरील नाईट लाइनिंग, तसेच पूर्ववत विमान सेवा सुरू करण्याबाबत आणि बोरामणी विमानतळाचे अडथळे याबाबत ही या बैठकीत सविस्तर चर्चा झाली असून सर्व प्रश्न मार्गी लागतील अशी माहिती पालकमंत्री जयकुमार गोरे यांनी दिली.