देवडी : नवीन शैक्षणिक वर्षाच्या पहिल्याच दिवशी विद्यार्थ्यांना प्रोत्साहन देण्यासाठी लोकराज्य फाऊंडेशन, देवडी यांच्या वतीने महात्मा गांधी विद्यालय, देवडी येथे मोफत शालेय साहित्य वाटप कार्यक्रमाचे आयोजन करण्यात आले.
या उपक्रमांतर्गत विद्यालयातील विद्यार्थ्यांना सुमारे ६०० वह्या, पेन, पुस्तके आदी शैक्षणिक साहित्याचे वाटप करण्यात आले. विद्यार्थ्यांच्या शैक्षणिक प्रगतीला चालना देण्याच्या उद्देशाने हा उपक्रम राबविण्यात आला.
कार्यक्रमास लोकराज्य फाऊंडेशनचे अध्यक्ष सागर थोरात, महात्मा गांधी विद्यालयाचे मुख्याध्यापक तिपे सर, माजी मुख्याध्यापक तळेकर सर, माजी शिक्षक काकडे सर, सोसायटीचे चेअरमन सुहास थोरात, विजयसिंह थोरात तसेच शिक्षक हनुमंत आसबे सर यांची प्रमुख उपस्थिती होती.
यावेळी उपस्थित मान्यवरांनी विद्यार्थ्यांना शिक्षणाचे महत्त्व पटवून देत नवीन शैक्षणिक वर्षासाठी शुभेच्छा दिल्या. “समाजाचे आपण काहीतरी देणे लागतो” या भावनेतून हा उपक्रम राबविण्यात आल्याचे आयोजकांनी सांगितले. समाजाप्रती कृतज्ञता व्यक्त करत विद्यार्थ्यांच्या शैक्षणिक वाटचालीस हातभार लावण्याचा हा प्रयत्न असल्याचे त्यांनी नमूद केले.
लोकराज्य फाऊंडेशनच्या माध्यमातून भविष्यातही शिक्षण, सामाजिक विकास आणि जनकल्याणाशी संबंधित विविध उपक्रम राबविण्यात येणार असल्याची माहिती यावेळी देण्यात आली.
