सोलापूर : एकीकडं राज्यशासन सर्वसामान्य नागरिकांना लवकरात लवकर बांधकाम परवानगी देण्याबाबत विविध नियमांमध्ये अनेक चांगले बदल करत आहेत मात्र सोलापूर महापालिकेने गेल्या तीन महिन्यात एकही बांधकाम परवाना दिला नाही बांधकाम परवाना तसेच फायनल लेआऊट मंजूर करण्याचे अधिकार आयुक्तांना की सहाय्यक नगररचना संचालकांना या वादामुळे जवळपास दीडशेहून अधिक बांधकाम परवाने धूळखात पडले आहेत. बऱ्याच दिवसापासून रिक्त असलेल्या सहाय्यक संचालक नगर रचना या पदावर राज्य शासनाने संजय कुमार माने यांची नियुक्ती केली आहे बांधकाम परवाने देण्याचे तसेच अंतिम लेआऊट मंजूर करण्याचे अधिकार सहाय्यक नगररचना संचालकाचे आहेत राज्यातील सर्व महापालिकांमध्ये हीच पद्धत असल्याचे माने यांनी नमूद केले आहे
तर महापालिका आयुक्त पी शिवशंकर यांनी हे सर्व अधिकार आयुक्तांचे आहेत असे पत्र धाडले आहे आणि माने त्यांचं ऐकत नसल्यामुळे त्यांना कार्यमुक्त करण्याचा निर्णय आयुक्तांनी घेतला आहे वास्तविक पाहता महापालिका आयुक्तांनी अतिरिक्त आयुक्तांकडे बांधकाम परवाने बाबतचे प्रस्ताव पाठवण्याचा निर्णय घेतला असून यामध्ये मोठी टक्केवारी मोजावी लागत असल्यामुळे अनेक बांधकाम व्यवसायिक वैतागले आहेत त्यामुळे सहाय्यक नगररचना संचालक हे तांत्रिक पद असताना अतिरिक्त आयुक्तांना याबाबत काही समजते का असा देखील संतप्त सवाल बांधकाम व्यवसाय करू लागले आहेत आशा बाबीं मुळेच सोलापूर शहरातील डेव्हलपमेंट प्लॅन कागदावरच राहत असून तसेच बेकायदेशीर बांधकामांना ऊत येऊ लागला आहे या वादामुळे बांधकाम क्षेत्राला मोठा फटका बसत आहे
