सोलापुरात नवीन १२१ व्यक्तींना कोरोना, ११ जणांचा मृत्यू

येस न्युज मराठी नेटवर्क : सोलापूर शहराचा covid-19 चा अहवाल सोमवारी प्राप्त झाला असून नव्याने १२१ व्यक्तींना कोरोनाची बाधा झाली आहे .त्यामध्ये ७३ पुरुष आणि ४८ महिला आहेत. २४ तासात मृत्युमुखी पडलेल्यांची संख्या ११ आहे याच कालावधीत रुग्णालयातून ३९८ व्यक्ती कोरोना मुक्त होऊन घरी परतल्या आहेत. मृत्यूमुखी पडलेल्यामध्ये जुळे सोलापूर येथील राम नारायण चंडक विहार येथील ४५ वर्षाची व्यक्ती विजापूर रोड येथील जाजू रेसिडेन्सी येथील ३७वर्षाची व्यक्ती आणि शेळगी येथील तीस वर्षांची महिला अशा कमी वयाच्या व्यक्तींचा समावेश आहे. प्रभाग क्रमांक 24 मध्ये 25 नवीन कोरोना रुग्ण आढळले असून प्रभाग क्रमांक 23 मध्ये 14 प्रभाग क्रमांक 16 मध्ये दहा नवीन रुग्ण आढळले असल्याचे महापालिकेच्या अहवालात म्हटले आहे.