सोलापुरातील विजापूर रोडवरील मंत्रीचंडक पार्क समोर असलेल्या बाहुबली नगरातील बाहुबली जैन मंदिरामध्ये विविध देवदेवतांच्या पंचधातूंच्या मूर्ती आणि रोख रक्कम अशी एक लाख 73 हजाराची चोरी करणारे तसेच रेवणसिद्ध मंदिरासमोरील धानम्मा देवीच्या मंदिरात दानपेटीतील 6000 रुपये चोरणाऱ्या तिघांना सोलापूर शहर गुन्हे शाखेने 24 12 तासाच्या आत जेरबंद केले आहे.
देव देवतांच्या मूर्तीसह सराईत गुन्हेगार नेहरूनगर येथील आकाश पवार थोरली ईरण्णावस्ती येथील अशपाक शेख आणि दमाणी नगरातील करण केंगार या तिघांना अटक करण्यात आली आहे. पोलीस आयुक्त एम राजकुमार यांनी पत्रकार परिषद घेऊन सोलापूर शहर गुन्हे शाखेकडील टीमचे याबाबत अभिनंदन केले. सदरची कामगिरीही पोलीस उपायुक्त आश्विनी पाटील, विजय कबाडे सहाय्यक पोलीस आयुक्त राजन माने, वरिष्ठ पोलीस निरीक्षक अरविंद माने तसेच गुन्हे शाखेचे सहाय्यक पोलीस निरीक्षक शैलेश खेडकर, तपास पथकातील पोलिसांमधील संदीप जावळे, विनोद राजपूत, राजकुमार पवार इमरान जमादार, उमेश पवार, राजन मोरे, सिद्धाराम देशमुख, अजय गुंड, चालक बाळासाहेब काळे तसेच सायबर पोलीस ठाणे कडील प्रकाश गायकवाड आणि मच्छिंद्र राठोड यांनी ही कामगिरी पार पाडली.
