SEA सोलापूर व एमएसईबी इंजिनीअर्स को-ऑपरेटिव्ह क्रेडिट सोसायटीचा उपक्रम
सीना नदीच्या पुरामुळे मोठ्या प्रमाणावर झालेल्या हानीमुळे अनेक कुटुंबे उघड्यावर पडली आहेत. अशा संकटसमयी सामाजिक जबाबदारीची जाणीव ठेवत Subordinate Engineers Association (SEA) आणि एमएसईबी इंजिनीअर्स को-ऑपरेटिव्ह क्रेडिट सोसायटी लिमिटेड, सोलापूर तर्फे “मायेची ऊब” हा उपक्रम हाती घेण्यात आला आहे.
या उपक्रमाअंतर्गत १००० चादरी आणि १००० टॉवेल पूरग्रस्तांना वाटप करण्याचे नियोजन करण्यात आले आहे. त्यातील पहिला टप्पा म्हणून आज तांदुळवाडी (ता. माढा, जि. सोलापूर) या पूरग्रस्त गावात मदत पोहोचविण्यात आली.
जिल्हा परिषद शाळा, तांदुळवाडी येथे आयोजित कार्यक्रमात SEA चे सहसचिव अमेय केत व मंडळ सचिव अभिषेक माने यांच्या हस्ते चादरी व टॉवेलचे वाटप करण्यात आले. या उपक्रमास ग्राम सरपंच रणजित पाटील यांचे विशेष सहकार्य लाभले.
गावकऱ्यांनी SEA आणि एमएसईबी इंजिनीअर्स को-ऑपरेटिव्ह क्रेडिट सोसायटीचे मनःपूर्वक आभार मानले व “अशा संकटसमयीही आम्हाला आधार देणारे हात आजही समाजात आहेत” अशी भावना व्यक्त केली.
