येस न्युज मराठी नेटवर्क : सोलापूर महापालिकेची अर्थसंकल्पीय सभा शुक्रवारी प्रचंड गोंधळाच्या वातावरणात सुरू झाली नेहमीच्या प्रमाणे सभा वेळेवर न करण्याचा पायंडा पाडत तब्बल दोन तास उशिराने ही सभा सुरू झाली. बजेट पुस्तकाची पळवा पळव …घोषणाबाजी …उपोषण अशा गोंधळाच्या तासाभरानंतर महापौरांवर सभा तहकूब करण्याची नामुष्की ओढावली.
सोलापूर महापालिकेची अर्थसंकल्पीय सभा शुक्रवारी महापौर श्री कांचना यन्नम यांच्या अध्यक्षतेखाली दीड वाजता सुरू झाली सभेच्या सुरुवातीला शासनाने मंजूर केलेल्या दलित वस्ती सुधारणा योजनेच्या साडेबावीस कोटी रुपयाच्या निधीवरून गोंधळ निर्माण झाला. सत्ताधाऱ्यांनी आणि काँग्रेसने खेळी करत काँग्रेसच्या नगरसेविका श्रीदेवी फुलारे यांच्या प्रभागात एक रुपयाचा दलित वस्ती चा निधी दिला नाही आणि सदरची साडेबावीस कोटी रुपयांची यादी जिल्हाधिकारी कार्यालयाकडे मंजुरीसाठी पाठवल्यामुळे संतप्त झालेल्या श्रीदेवी फुलारे यांनी आगपाखड केली. सभेत बजेट सादर करण्यासाठी तयारीत असलेले भाजपचे पक्ष नेते श्रीनिवास करली यांच्या हातातील बजेटची बॅग श्रीदेवी फुलारी यांनी हिसकावून घेतली आणि सुरू झाला सभेत गोंधळ. काँग्रेसवाले फुलारे यांना साथ देत नाहीत हे लक्षात घेऊन पंच बहुजन आघाडीचे आनंद चंदनशिवे एमआयएमचे तोफिक शेख यांच्यासह सात-आठ नगरसेवकांनी घोषणाबाजी करत सभागृहात उपोषण सुरू केले प्रचंड गोंधळामुळे महापौरांना ही सभा अर्धवटच तहकूब करावी लागली याबाबत काही नगरसेवक आणि संतप्त प्रतिक्रिया व्यक्त केल्या
