सोलापूर :आतापर्यंत जेवढी कामे झाली नाहीत तेवढी कामे महापालिकेत भाजपची सत्ता आल्यापासून झाली आहेत. प्रत्येक प्रभागात विकासकामे सुरू आहेत. आगामी काळातही आणखी कामे होणार आहेत. शहराच्या विकासासाठी जे काही करता येईल ते आपण करू, असे प्रतिपादन आ. सुभाष देशमुख यांनी केले.
प्रभाग 24 मधील गजानन नगर येथे विकासकामे पूर्ण झाल्याबद्दल आ. देशमुख यांचा सत्कार कार्यक्रम आयोजित केला होता, त्यावेळी ते बोलत होते. यावेळी नगरसेविका राजश्री चव्हाण, राजश्री पाटील, अश्विनी चव्हाण आदी उपस्थित होते. यावेळी प्रभागात ड्रेनेज, रस्ते आणि लाईट आणि पाईपलाईने काम पूर्ण झाल्याबद्दल नागरिकांतर्फे आ. देशमुख यांचा सत्कार करण्यात आला. यावेळी आ. देशमुख यांच्या हस्ते प्रभागात विविध ठिकाणी वृक्षारोपण करण्यात आले. याप्रसंगी प्रभागातील नागरिक उपस्थित होते.
