दहिटणे येथील गोकुळ शुगर या कारखान्याने युनियन बँकेचे घेतलेले कर्ज थकवल्याप्रकरणी यापूर्वी वारंवार युनियन बँकेने गोकुळ शुगरच्या मालमत्ता तसेच दत्ता शिंदे कुटुंबीय आणि सिद्धाराम म्हेत्रे कुटुंबीयांच्या मालमत्तांचा लिलाव काढला. आता स्वतः माजी मंत्री राहिलेले आणि सध्या शिवसेनेत असलेले सिद्धाराम म्हेत्रे यांच्याच मातोश्री लक्ष्मी शुगर ने युनियन बँकेचे सहा कोटी 89 लाख 73 हजार रुपयांचे कर्ज थकवल्याप्रकरणी युनियन बँकेने सिद्धाराम म्हेत्रे, त्यांचा मुलगा शिवराज, कपिल शिंदे, कुसुम शिंदे,शोभा शिंदे, दिवंगत सातलिंगआप्पा म्हेत्रे, दिवंगत भगवान शिंदे यांच्या पत्नी उषा शिंदे, मुलगी गीता तसेच गोकुळ शिंदे,गणपत शिंदे, दिवंगत बलभीम शिंदे, कपिल शिंदे दत्ता शिंदे यांच्या स्थावर आणि जंगम मालमत्तांचा 10 डिसेंबर रोजी जाहीर लिलाव काढला आहे. याबाबत आजच दैनिक सकाळमध्ये युनियन बँकेने प्रसिद्धीकरण केले आहे.










