उजनी AI डेटा सेंटर, पंढरपूर कॉरिडॉर.. शक्तिपीठ महामार्ग.. जिल्हाधिकाऱ्यांची ही महत्त्वाची माहिती

उजनी धरणावर उभारण्यात येणारे सोलर पार्क.. ए आय डेटा सेंटर पंढरपूर कॉरिडॉर तसेच सोलापूर जिल्ह्यातून जाणाऱ्या शक्तिपीठ महामार्गासंदर्भात जिल्हाधिकारी एस कार्तिकीयेन यांनी महत्त्वाची माहिती दिली. उजनी धरणावर अद्याप ए आय डेटा सेंटर तसेच सोलर पार्क संदर्भात कोणतेही काम सुरू झाले नाही.सर्वांना विश्वासात घेऊन ते काम सुरू होईल. उन्हाळ्यात उजनीचे सुमारे 15 टीएमसी पाणी बाष्पीभवन होते. फ्लोटिंग सोलर पॅनल बसल्यावर अडीच टीएमसी पाणी वाचणार आहे. तर AI डेटा सेंटरसाठी अवघे अर्धा टीएमसी पाणी लागेल. अद्याप हा प्रकल्प प्राथमिक स्तरावर असून सर्वांना याबाबत सविस्तर माहिती देऊ असे जिल्हाधिकारी सांगितले. पंढरपुरात होणाऱ्या कॉरिडॉर संदर्भाची भूसंपादनाची नोटीस प्रसिद्ध करण्यात आली आहे. यासाठी शासनाकडून 100 कोटी रुपयांचा निधी मिळाला आहे. भूसंपादनासाठी पंधराशे कोटी रुपये लागणार असून एप्रिल पर्यंत कॉरिडॉर साठी लागणारी सर्व जागा आमच्या ताब्यात मिळेल असा विश्वास त्यांनी व्यक्त केला. शक्तिपीठ महामार्ग संदर्भात सक्तीने भूसंपादन केले जाणार नाही. शेतकऱ्यांना विश्वासात घेऊन हे भूसंपादन होईल.सध्या संयुक्त तपासणी म्हणजेच जॉईंट मेजरमेंट सर्वे सुरू आहे. शेतकऱ्यांसाठी ते खूप महत्त्वाचे डॉक्युमेंट आहे.त्यामुळे शेतकऱ्यांनी जॉईंट मेजरमेंट सर्वे बाबत दक्ष राहून याच्या नोंदणी करून घ्याव्यात. सध्या भूसंपादनाला स्थगिती आहे मात्र सर्वांना विश्वासात घेऊन शक्तीपीठची भूसंपादन प्रक्रिया केली जाईल.. तुळशी सारख्या गावाने भूसंपादनाला सहमती दिली आहे. जॉईंट मेजरमेंट सर्वे व्यवस्थित व्हावा..इतरांनी इंटरफेअर करू नये यासाठी शेतकऱ्यांच्या भल्यासाठी पोलीस बंदोबस्त दिला जातो जिल्हाधिकारी म्हणाले.