भारताच्या करण सिंगचे आव्हान कायम
सोलापूर : सोलापूर जिल्हा लॉन टेनिस संघटना(एसडीएलटीए) यांच्या वतीने आयोजित व अखिल भारतीय लॉन टेनिस संघटना(एआयटीए), महाराष्ट्र राज्य लॉन टेनिस संघटना(एमएसएलटीए) यांच्या मान्यतेखाली होत असलेल्या महाराष्ट्र शासन, सोलापूर महानगरपालिका व जिल्हाधिकारी कार्यालय पुरस्कृत एमएसएलटीए एसडीएलटीए आयटीएफ 25हजार डॉलर पुरुष टेनिस स्पर्धेत स्वीडनच्या रेचटमन विन्सिगुएरा डब्ल्यू, थायलंडच्या थानापट चॅनता, अमेरिकेच्या समीर बॅनर्जी यांनी मानांकित खेळाडूंना पराभूत करून उपांत्य फेरीत प्रवेश केला.
सोलापूर येथील एमएसएलटीए टेनिस कोर्ट, डिस्ट्रिक्ट स्पोर्ट्स कॉम्प्लेक्स येथे सुरु असलेल्या या स्पर्धेत मुख्य ड्रॉ मध्ये एकेरीत उपांत्यपूर्व फेरीत काल अव्वल मानांकित खेळाडूवर विजय मिळवणाऱ्या स्वीडनच्या रेचटमन विन्सिगुएरा, डब्ल्यू याने भारताच्या सातव्या मानांकित सिद्धार्थ रावतचा 4-6, 6-3, 6-2असा संघर्षापूर्ण पराभव करून आपली अनपेक्षित निकालाची मालिका कायम ठेवली. हा सामना 2तास 19 मिनिटे चालला. सहाव्या मानांकित अमेरिकेच्या समीर बॅनर्जी याने भारताच्या चौथ्या मानांकित दिग्विजय प्रताप सिंगचा 5-7, 6-3, 6-4 असा कडवा प्रतिकार केला. हा सामना 2तास 33 मिनिटे चालला.
तिसऱ्या मानांकित भारताच्या करण सिंग याने अमेरिकेच्या अधित्य गणेशनचा 6-1, 6-0 असा एकतर्फी पराभव करून उपांत्य फेरी गाठली. थायलंडच्या थानापट चॅनता याने आठव्या मानांकित भारताच्या एस डी प्रज्वल देवचा टायब्रेकमध्ये 7-6(5), 7-6(6) असा पराभव करून आगेकूच केली.
दुहेरीत उपांत्य फेरीत दुसऱ्या मानांकित भारताच्या आदिल कल्याणपूर याने जपानच्या रियुकी मत्सुदाच्या साथीत अमेरिकेच्या तिसऱ्या मानांकित गेरत जॉन्स व नोहा साचहतर यांचा 3-6, 6-3, 11-6 असा पराभव करून अंतिम फेरीत आपले स्थान निश्चित केले. भारताच्या दक्षिणेश्वर सुरेश व मनीष सुरेशकुमार यांनी अमेरिकेच्या अधित्य गणेशन व कझाकस्तानच्या ग्रिगोरी लोमकीन यांचा 6-7(3), 6-3, 13-11 असा पराभव करून अंतिम फेरीत प्रवेश केला.
निकाल: मुख्य ड्रॉ: उपांत्यपूर्व फेरी: पुरुष गट:
समीर बॅनर्जी (अमेरिका)[6]वि.वि. दिग्विजय प्रताप सिंग (भारत)(4)5-7, 6-3, 6-4;
थानापट चॅनता(थायलंड)वि.वि. एस डी प्रज्वल देव(भारत)[8] 7-6(5), 7-6(6);
करण सिंग (भारत)(3)वि.वि.अधित्य गणेशन(अमेरिका)6-1, 6-0;
रेचटमन विन्सिगुएरा, डब्ल्यू(स्वीडन)वि.वि. सिद्धार्थ रावत(भारत)[7] 4-6, 6-3, 6-2;
दुहेरी: उपांत्य फेरी:
दक्षिणेश्वर सुरेश (भारत)/मनीष सुरेशकुमार(भारत)वि.वि. अधित्य गणेशन(अमेरिका)/ग्रिगोरी लोमकीन(कझाकस्तान)6-7(3), 6-3, 13-11;
आदिल कल्याणपूर (भारत)[2] / रियुकी मत्सुदा(जपान)वि.वि. गेरत जॉन्स/नोहा साचहतर(अमेरिका) [3] 3-6, 6-3, 11-6.
