सोलापुरात झाला प्लॅस्टिक तुकड्यांच्या कागदाचा कचराच कचरा…!

सोलापूर शहरातील विविध मिरवणुकीमध्ये प्लास्टिक तुकड्यांचा वापर मोठ्या प्रमाणावर सुरू असल्यामुळे महापालिकेने यावर बंदी घालण्याचे परिपत्रक काढले होते. मात्र काल पार पाडलेल्या गणेशोत्सव मिरवणुकीत बहुतांश मंडळांनी याचे उल्लंघन केले. त्यामुळे प्रमुख मिरवणूक मार्गावर जिकडे तिकडे प्लास्टिकचे रंगीबेरंगी तुकडे तुकडे दिसत होते. हा प्लॅस्टिकचा कचरा लवकर गोळा होत नाही शिवाय वाऱ्याने इतरत्र पसरतो त्यामुळे आज सकाळी साफसफाई करणाऱ्या कर्मचाऱ्यांची चांगलीच दमछाक झाली. माणिक चौक- सोन्या मारुती – दत्त चौक -नवी पेठ- डीसीसी बँक परिसर – सरस्वती चौक आदी भागात मोठ्या प्रमाणावर हा प्लॅस्टिकचा कचरा सकाळी दिसून आला. त्यामुळे आज शहरात रंगीत धुळीचे आणि या प्लास्टिक तुकड्यांचे प्रदूषण जास्त झाल्याचे दिसले.