मुख्यमंत्र्यांचा उद्याचा सोलापूर दौरा ऐनवेळी झाला फिक्स

मुख्यमंत्री देवेंद्र फडणवीस यांचा उद्याचा सोलापूर दौरा आज सायंकाळी आठ वाजेपर्यंत निश्चित झाला नव्हता. मात्र हा दौरा रात्री साडेआठ वाजता निश्चित झाला आहे. भाजपच्या शहराध्यक्ष रोहिणी तडवळकर आणि महापौर विनायक कोंड्यात यांनी देखील या दौऱ्याला दुजोरा दिला आहे. हॉटेल बालाजी सरोवर मध्ये मुख्यमंत्री देवेंद्र फडणवीस यांच्या उपस्थितीत उद्या भाजपच्या पश्चिम विभागातील लोकप्रतिनिधी तसेच पदाधिकाऱ्यांची बैठक आयोजित केली आहे. या बैठकीला पालकमंत्री जयकुमार गोरे, उच्च व तंत्र शिक्षण मंत्री चंद्रकांत पाटील, भाजपचे प्रदेशाध्यक्ष रवींद्र चव्हाण यांच्यासह भाजपचे नेते उपस्थित राहणार आहेत. सुमारे साडेतीनशे प्रतिनिधींच्या उपस्थितीत भाजप पदाधिकाऱ्यांची बैठक होणार असून दुपारच्या वेळी मंत्री चंद्रकांत पाटील हे नगरसेवकांना मार्गदर्शन करणार आहेत. ऐनवेळी मुख्यमंत्र्याचा दौरा फिक्स झाल्यामुळे भाजपच्या पदाधिकाऱ्यांमध्ये जोश निर्माण झाला आहे.