मुख्यमंत्री आठ दिवसांनी येणार सोलापुरात…!

मुख्यमंत्री देवेंद्र फडणवीस हे 20 ऑगस्ट रोजी सोलापूर दौऱ्यावर येत आहेत. भाजपची पश्चिम महाराष्ट्र विभागीय बैठक 20 ऑगस्ट रोजी होणार आहे. त्यासाठी मुख्यमंत्री देवेंद्र फडणवीस, भाजप प्रदेशाध्यक्ष रवींद्र चव्हाण, यांच्यासह भाजपचे वरिष्ठ नेते पक्षाच्या विभागीय बैठकीसाठी दौऱ्यावर येणार आहेत. भाजप शहराध्यक्ष रोहिणी तडवळकर,आमदार सचिन कल्याण शेट्टी, आणि आमदार देवेंद्र कोठे यांनी ही माहिती दिली. अद्याप बैठकीचे ठिकाण निश्चित झाले नाही. हॉटेल बालाजी सरोवर, हेरिटेज गार्डन, तसेच चिंचोली एमआयडीसीतील हॉटेल रिजेन्टा असे पर्याय सुचवण्यात आली आहेत. मुख्यमंत्र्यांच्या दौऱ्याच्या नियोजनासाठी नुकतीच शासकीय विश्रामगृहात बैठक पार पडली.यावेळी महापौर विनायक कोंड्याल, स्थायी समितीच्या सभापती रंजिता चाकोते, उपाध्यक्ष सुधा अळीमोरे आदी उपस्थित होते. तत्पूर्वी पूर्वी भाजपा आमदारांनी युवा मोर्चाची बैठक घेतली. त्यामुळे आता सोलापूरच्या भाजप पदाधिकाऱ्यांना मुख्यमंत्री देवेंद्र फडणवीस यांच्या दौऱ्याची उत्सुकता लागली आहे.