गार्डन लव्हर्स संस्था आयोजित “रंगधारा” चित्रकला प्रदर्शनाचे आयोजन करण्यात आले आहे. हे प्रदर्शन १७ जुलै ते २३ जुलै २०२६ या कालावधीत झपुर्झा आर्ट गॅलरी,पु ,ना , गाडगीळ अँड सन्स ,डफरीन चौक सोलापूर येथे सकाळी ११.३० ते सायंकाळी ७.३० या वेळेत सर्वांसाठी खुले राहणार आहे.
या प्रदर्शनात चित्रकार विद्या गोसावी यांनी साकारलेल्या विविध आकर्षक चित्रांचा आस्वाद कला प्रेमींना घेता येणार आहे. त्यांच्या कल्पकतेचा, सर्जनशीलतेचा आणि कलागुणांचा अनोखा आविष्कार या प्रदर्शनातून पाहायला मिळणार आहे.
प्रदर्शनाचे उद्घाटन १७ जुलै रोजी सायंकाळी ५ वाजता मान्यवरांच्या उपस्थितीत होणार असून, कला क्षेत्रातील अनेक प्रतिष्ठित व्यक्ती यावेळी उपस्थित राहणार आहेत.
सोलापूरातील होतकरू चित्रकारांना प्रोत्साहन मिळावे आणि त्यांची कला अधिकाधिक नागरिकांपर्यंत पोहोचावी, या उद्देशाने या प्रदर्शनाचे आयोजन करण्यात आले आहे.
