सोलापूर : महाराष्ट्र व कर्नाटकातील सुप्रसिद्ध गायक, कवी आणि प्रवचनकार शिवय्या स्वामी महाराज यांना प्राप्त झालेल्या ‘कन्नड केसरी’ व ‘शास्त्री’ या मानाच्या पदव्यांबद्दल त्यांचा विशेष सत्कार करण्यात आला.
सद्गुरु शिवशरणम्मा माऊली माताजी यांच्या शुभहस्ते हा सत्कार संपन्न झाला. यावेळी उपस्थितांनी श्री शिवय्या स्वामी महाराज यांच्या आध्यात्मिक, साहित्यिक व सांस्कृतिक क्षेत्रातील योगदानाचा गौरव केला.
या सत्कार समारंभास कैवल्यधाम मठ शनिवार साप्ताहिक भजन मंडळाचे पदाधिकारी व सदस्य तसेच सोलापूर जिल्ह्यातील ज्येष्ठ वारकरी गायक, वादक आणि भाविक मोठ्या संख्येने उपस्थित होते. कार्यक्रमात भक्तिमय वातावरणात महाराजांच्या कार्याचा गौरव करण्यात आला.
श्री शिवय्या स्वामी महाराज यांनी आपल्या गायन, प्रवचन आणि काव्यरचनांमधून समाजात अध्यात्म, संस्कार आणि भक्तीचा संदेश पोहोचविला असून, त्यांना मिळालेल्या या पदव्यांमुळे त्यांच्या कार्याचा आणखी सन्मान झाला आहे. उपस्थित मान्यवरांनी त्यांना पुढील वाटचालीसाठी शुभेच्छा दिल्या.
