महापालिका आयुक्तांचा दणका, झोन अधिकारी निलंबित, आकुलवार यांनाही फटका

सोलापूर महापालिकेचे आयुक्त सचिन ओंबासे यांनी झोन नंबर 5 चे झोन अधिकारी किशोर तळीखडे यांना दोन दिवसापूर्वीच 51 हजार रुपयांचा दंड केला होता. आज त्यांना निलंबित केले. काही खाजगी प्लॉट धारकांच्या जागेतून चुकीच्या पद्धतीने नाल्याचे काम केल्याचा त्यांच्यावर ठपका ठेवण्यात आला आहे. स्पॉटवर न जाता मनमानी पद्धतीने काम केल्यामुळे आयुक्तांनी दोन दिवसापूर्वीच त्यांना झापले होते. याप्रकरणी त्यांना आज निलंबित करण्यात आले तर त्यांचे प्रमुख म्हणून नगर अभियंता सारिका अकुलवार यांनीही कामात दुर्लक्ष केल्याप्रकरणी त्यांची एक वेतन वाढ रोखण्यात आली. एवढेच नव्हे तर आयुक्तांनी दोन दिवसांपूर्वी काम न करणाऱ्या अधिकाऱ्यांच्या विरोधात आंदोलन करा. महापालिकेचे अधिकारी गेंड्याच्या कातडीचे झाले आहेत असं वक्तव्य देखील केलं होतं.