सोलापूर : सोलापूर ग्रामीण भागात सार्वजनिक शांतता व सुरक्षितता राखण्यासाठी अपर जिल्हा दंडाधिकारी अभिजीत पाटील यांनी महाराष्ट्र पोलीस अधिनियम 1951 चे कलम 37 (1) अ ते फ अन्वये मनाई आदेश जारी केले आहेत. हा आदेश दि. 27 मे 2026 रोजी रात्री 8 वाजता लागू झाला असून तो दि. 10 जून 2026 रोजी मध्यरात्री 20.00 वाजेपर्यंत लागू राहणार आहे.
या आदेशानुसार शस्त्रे, अग्निशस्त्रे, तलवारी, भाले, दंडुके, चाकू, लाठ्या, स्फोटके, क्षेपणास्त्रे, उपरोधिक पदार्थ तसेच सार्वजनिक ठिकाणी टिकाकरण, उत्तेजक गाणी, संगीत वाजवणे, अश्लील चित्रे किंवा चिन्हे प्रदर्शित करणे यावर बंदी घालण्यात आली आहे. आदेशाचे उल्लंघन करणाऱ्यांवर कठोर कारवाई करण्यात येणार असून जप्त केलेली शस्त्रे व वस्तू राज्य सरकारकडे जमा करण्यात येतील.
तसेच पाच किंवा अधिक व्यक्तींच्या संमेलनास, मिरवणुकीस, लाऊडस्पीकर, वाद्ये, बँड व फटाके फोडण्यास मनाई करण्यात आली आहे. मात्र विवाह समारंभ, अंत्यसंस्कार, कायदेशीर सभा, शैक्षणिक उपक्रम, कारखाने, दुकाने, चित्रपटगृहे, नाटकगृहे, सरकारी कार्ये व परवानगी दिलेल्या संमेलनांना या आदेशातून सूट देण्यात आली आहे.
हा आदेश सोलापूर शहरातील सार्वजनिक ठिकाणी, न्यायालये व सरकारी कार्यालयांमध्ये चिकटवून तसेच लाऊडस्पीकर, मेगाफोन व प्रसारमाध्यमांद्वारे प्रसिद्ध करण्यात येणार आहे.
प्रवेश अर्ज शासकीय निवासी शाळा, नजिक पिंपरी तसेच सहाय्यक आयुक्त, समाज कल्याण, सोलापूर कार्यालय येथे कार्यालयीन वेळेत उपलब्ध आहेत. प्रवेशासाठी जागा प्रवर्गनिहाय आरक्षित असून अनुसूचित जाती व नवबौद्ध – ८० टक्के, अनुसूचित जमाती – १० टक्के, विजाभज – ५ टक्के, दिव्यांग – ३ टक्के व एसबीसी – २ टक्के प्रमाणे प्रवेश दिला जाणार आहे.
प्रवेशासंदर्भात अधिक माहितीसाठी पालकांनी मुख्याध्यापकांशी 9011350908 या क्रमांकावर संपर्क साधावा, असे आवाहन शाळा प्रशासनाने केले आहे.
