सोलापुरात वाढते तापमान, प्रदूषण तसेच पाण्याची टंचाई या गंभीर समस्यांवर प्रभावी उपाय म्हणून ‘सोलापूर ग्रीन मिशन’ च्या वतीने “एक घर एक झाड हा पर्यावरणपूरक उपक्रम हाती घेण्यात आला आहे. या उपक्रमांतर्गत शहरातील नागरिकांना वृक्षलागवडीस प्रात्साहन देण्यासाठी डॉ. सुर्यप्रकाश राजेश कोठे यांच्या माध्यामातून ५००० रोपे मोफत उपलब्ध करुन देण्यात येणार आहेत.
या उपक्रमाचा शुभारंभ गुरुवार दि.२१ मे २०२६ सकाळी ठिक १०.०० वाजता गव्हर्नमेंट पॉलीटेक्निक कॉलेज, वॉकिंग ट्रॅक, पाणी टाकी चौक, अक्कलकोट रोड, सोलापूर येथे होणार आहे.
कार्यक्रमास प्रमुख उपस्थिती म्हणून आमदार सचिनदादा कल्याणशेट्टी, आमदार देवेंद्र कोठे, महापौर विनायक कोंडयाल, आयुक्त सचिन ओंबासे तसचे सभागृहनेते नरेंद्र कोळे उपस्थित राहणार आहेत.
या अभियानामागील मुख्य उद्यिष्ट म्हणजे ‘प्रत्येक घरात किमान एक झाड हा संकल्प प्रत्यक्षात आणून सुंदर, प्रदूषणमुक्त आणि हरित सोलापूर बनवूया. तरी नागरिकांनी तसेच स्वयंसेवकांनी मोठ्या संख्येने उपस्थित राहुन या सामाजिक व पर्यावरणपूरक उपक्रमात सहभागी व्हावे, असे आवाहन सोलापूर ग्रीन मिशनचे संस्थापक तसेच तसेच पश्चिम महाराष्ट्र पद्मशाली संघम अध्यक्ष डॉ. सुर्यप्रकाश राजेश कोठे यांनी केले आहे.
