साऊथ सोलापूर, आपटे ग्रुप आयोजित , बारा वर्षाखालील क्रिकेट स्पर्धेत दी. 09.05.2026 रोजी झालेल्या सामन्यात, SSSKBCA संघाने युनायटेड क्रिकेट क्लब वर विजय मिळवत अंतिम फेरीत प्रवेश केला.नाणेफेक जिंकून युनायटेड क्रिकेट क्लबने प्रथम फलंदाजीचा निर्णय घेत समाधानकारक धावसंख्या उभारली. युनायटेड संघाने एकूण 9 गडी बाद 192 धावा केल्या.
युनायटेड संघाकडून उत्कृष्ठ फलंदाजी करत अभय अजलापुरकर याने शतक ठोकले. 131 धावांची खेळी करत त्यामधे 23 चौकार मारले. त्याला बाकी फलंदाजांची साथ मिळाली नाही.गोलंदाजीचा मधे आदित्य चटके याने उत्कृष्ठ गोलंदाजीचे प्रदर्शन करत 36 धावा देत 6 गडी बाद करत युनायटेड संघाचे कंबरडे मोडले.
अन्वय जोशी याने 27 धावा देत 2 गडी बाद केले.प्रत्युत्तरादाखल SSSKBCA ची सुरवात अडखळत झाली. 2 बाद 46 वरून वरद कळमनकर याने चांगली फलंदाजी करत 81 धावांची नाबाद खेळी केली. त्याला अन्वय जोशी याने 48 धावा करत चांगली साथ दिली. तसेच अनुरंजन वलेकर याने चिवट फलंदाजी करत 3 बाद 193 धावा करतं सामना जिंकून दिला. युनायटेड संघाकडून अभय अजलापूर्कर याने 1 गडी बाद केला.SSSKBCA विजयी संघाला मुख्य प्रशिक्षक अनिल सांब्रानी सर यांचें मार्गदर्शन लाभले.
