सोलापूरचे पालकमंत्री जयकुमार गोरे आज शहर आणि जिल्ह्यातील विविध विकास कामांच्या डझनावर बैठक घेत आहेत. भाजप स्थापना दिनानिमित्त ध्वजारोहणापासून त्यांचे कार्यक्रम सुरू झाले असून संध्याकाळी महापालिकेतील सेवा सुविधा केंद्र इमारतीच्या भूमिपूजन आणि त्यांच्या शहरातील कार्यक्रमांचा समारोप होणार आहे. आज नियोजन भवनात संत सावता माळी स्मारकाची आढावा बैठक पालकमंत्र्यांच्या उपस्थितीत सुरू झाली आहे. दुपारी जिल्हा परिषद पदाधिकाऱ्यांसमवेत तर त्यानंतर महापालिका पदाधिकाऱ्यांसमवेत ते विविध विषयावर बैठक घेणार आहेत. या दोन बैठकी झाल्यानंतर नूतन जिल्हाधिकारी कार्तिकेयन एस ,तसेच महापालिका आयुक्त डॉक्टर सचिन ओंबासे,पोलीस आयुक्त एम राजकुमार, पोलीस अधीक्षक अतुल कुलकर्णी, जिल्हा परिषदेचे मुख्य कार्यकारी अधिकारी कुलदीप जंगम यांच्या समवेत ते शहर आणि जिल्ह्यातील विविध प्रश्नांसंदर्भात चर्चा करणार आहेत. त्यामुळे आज एकूणच विविध विकास कामासंदर्भात होणाऱ्या मॅरेथॉन बैठकीतून काय निर्णय होतो याकडे जिल्ह्याचे लक्ष लागले आहे.
जिल्हाधिकारी, झेडपी, महापालिकांच्या विविध विषयावर पालकमंत्र्यांच्या आज भरगच्च बैठका..!
