सोलापूरच्या अक्कलकोट रोड एमआयडीसीतील 35 आणि होटगी रोड एमआयडीसीतील नऊ असे एकूण 44 रस्ते करण्यासाठी राज्य शासनाने विशेषता मुख्यमंत्री देवेंद्र फडणवीस यांच्या प्रयत्नाने 56 कोटी रुपयांचा निधी मंजूर केला असून त्याचा विशेष जीआर काढला असल्याची माहिती आमदार देवेंद्र कोठे यांनी दिली. क्रिटिकल इन्फ्रा स्कीम मधून ही योजना मंजूर करण्यासाठी या एमआयडीसी मधील उद्योजकांना 25% हिस्सा म्हणजे 14 कोटी रुपये भरावे लागत होते. मात्र ही रक्कम देखील विशेष बाब म्हणून शासनच भरणार आहे. गेल्या वर्षभरापासून मी या योजनेसाठी पाठपुरावा करत होतो. एकाच मतदार संघात एवढा मोठा निधी पहिल्यांदाच मंजूर झाला असून याबद्दल कोठे यांनी मुख्यमंत्री तसेच पालकमंत्री जयकुमार गोरे यांचे आभार मानले.
SHORT NEWS 20 । सोलापुरातील 44 रस्त्यांचे भाग्य उजळणार ! 56 कोटी रुपयांचे गिफ्ट
