सारंग कुलकर्णी यांचे जादुई सरोदवादनाने आणि करण देवगावकर यांचे गायनाने रसिक मंत्रमुग्ध
पं. जितेंद्र अभिषेकी संगीत महोत्सवाला पंढरीतील रसिक श्रोत्यांचा भरभरून प्रतिसाद
पंढरपूर – श्रीक्षेत्र पंढरपूर येथे तरंगिणी सांस्कृतिक प्रतिष्ठान पुणे आरती साऊंड सिस्टीम मनमाडकर परिवार आणि नादब्रह्म कला फाऊंडेशन करकंब यांच्या वतीने आयोजित करण्यात आलेल्या दुसऱ्या दिवशीच संगीत पुष्पाची सुरुवात अभेद अभिषेकी श्री सोमनाथ रसाळ, डॉ अनिल जोशी, भगवानराव मनमाडकर,कल्याण कलढोणे,सौ.शुभांगी जोशी.डॉ.प्रसाद कुलकर्णी, प्रज्ञा कुलकर्णी,देवकी दुधाणे,वैभव केंगार,यांचे शुभहस्ते दीपप्रज्वलन करून झाली.नंतर करण देवगावकर यांचे गायन सारंग कुलकर्णी यांचे सरोद तर पं.शौनक अभिषेकी यांचे दमदार गायनाने गुंफले.सुरुवातीला करण देवगावकर यांनी शास्त्रीय संगीतामधील राग मुलतानी अतिशय आत्मविश्वासाने सादर करत पंढरपूर कलासाधक रसिकांची मने जिंकली त्यानंतर बंदिश आणि ध्यान करु जाता मन हरपले अभंग सादर केला त्यांना तबला कार्तिक स्वामी हार्मोनियम सारंग कुलकर्णी पखवाज ज्ञानेश्वर दुधाणे टाळ माऊली खरात तर तानपुरा साथ वैभव केंगार आणि चिन्मय यांनी केली.
दुसर पुष्प ख्यातनाम सरोदवादक सारंग कुलकर्णी यांनी गुंफताना सरोदवादना मध्ये आलाप,जोड झाला सादर करत दुर्मिळ होत चाललेल्या सरोदवादनाने रसिकांना अगदी चिंब केले.राग किरवाणी सादर केला.त्यांना तितकीच उत्तम आणि समर्पक तबला साथ अजिंक्य जोशी यांनी देऊन कार्यक्रमाची उंची गाठली,त्यानंतर अभिषेकी संगीत महोत्सवाची सांगता पं.शौनक अभिषेकी यांचे गायनाने झाली.त्यांनी गेली २४ वर्षे श्री पंढरी नगरीत गात असून आज अतिशय आनंद होत आहे सांगत राग प्रताप व्हराडी सादर करत त्याला जोडून बंदिश गाऊन अभिषेकी बुवांनी अजरामर केलेल्या रचना अमृताची फळे, आम्हां न कळे ज्ञान,तिर्थ विठ्ठल क्षेत्र विठ्ठल,संंत भार पंढरीत,अवघे गर्जे पंढरपूर,गात शेवटी विठ्ठलाच्या पायी थरारली वीट भैरवी ने सांगता केली.त्यांनाही तितकीच सुंदर साथसंगत तबला अजिंक्य जोशी हार्मोनियम सारंग कुलकर्णी पखवाज ज्ञानेश्वर दुधाणे टाळ माऊली खरात तर स्वरसाथ अभेद अभिषेकी,करण देवगावकर,राज शाह.यांनी केली.महोत्सव यशस्वी करण्यासाठी अभेद अभिषेकी, भगवानराव मनमाडकर, धनंजय मनमाडकर,अर्णव दैठणकर, संकेत कुलकर्णी,आरती मनमाडकर,वैभव केंगार माऊली खरात, तुकाराम दुधाटे, देवकी दुधाणे, यांनी अधिक परिश्रम घेतले
