सोलापूर जिल्ह्यातील सांगोला तालुक्यात रामकृष्ण गार्डन व्हिला, वाडेगाव रोड येथे शुक्रवार दिनांक २० फेब्रुवारी २०२६ रोजी जगद्गुरु रामानंदाचार्य नरेंद्राचार्यजी यांच्या पादुका दर्शन सोहळ्याचे भव्य आयोजन करण्यात आले आहे.
सकाळी ९ वाजता मिरवणुकीला प्रारंभ होणार असून १० वाजता पादुकांचे संतपीठावर आगमन होईल. आगमनानंतर आरती होणार आहे. त्यानंतर सामाजिक उपक्रमांतर्गत दुर्बल व निराधार शेतकऱ्यांना ७५ कृषी औषध फवारणी पंपांचे मान्यवरांच्या हस्ते वाटप करण्यात येणार आहे. पुढे गुरुपूजनास सुरुवात होईल.याच दिवशी साधक दीक्षा सोहळाही संपन्न होणार आहे. दिवसभर गुरुपूजन, आरती, प्रवचन, उपासक दीक्षा आणि पादुकांचे दर्शन असा भरगच्च कार्यक्रम आयोजित करण्यात आला आहे. या कार्यक्रमासाठी सोलापूर जिल्ह्यातून मोठ्या संख्येने भाविक उपस्थित राहण्याची शक्यता आहे.कार्यक्रम स्थळी भाविकांसाठी पिण्याचे पाणी व महाप्रसादाची व्यवस्था करण्यात आली आहे. मोठ्या प्रमाणात भाविकांनी गुरुपूजन व दर्शनाचा लाभ घ्यावा, असे आवाहन जगद्गुरु नरेंद्राचार्य महाराज संस्थान मुख्यपीठ नाणिजधाम क्षेत्र पश्चिम महाराष्ट्रचे पदाधिकारी यांनी केले आहे.
संस्थानामार्फत गेल्या अनेक वर्षांपासून सामाजिक, शैक्षणिक, वैद्यकीय व कृषीविषयक उपक्रम राबविले जात आहेत. महाराष्ट्रातील विविध महामार्गांवर संस्थानच्या ५३ रुग्णवाहिका मोफत सेवा देत असून आजपर्यंत ३२,०७७ अपघातग्रस्तांचे प्राण वाचविण्यात आले आहेत.नाणिज येथे पदवीपर्यंत इंग्लिश माध्यमाची शाळा चालवून गरीब विद्यार्थ्यांना मोफत शिक्षण दिले जाते. वैद्यकीय उपक्रमांतर्गत १७७ मरणोत्तर देहदान व १२७ अवयवदानाची नोंद झाली आहे. तसेच “ब्लड इन नीड” उपक्रमातून सुमारे २५ हजार रुग्णांना मोफत रक्तपुरवठा करण्यात आला आहे.ग्रामस्वच्छता अभियान, दुर्बल घटकांचे पुनर्वसन, महिला सक्षमीकरण, अंधश्रद्धा निर्मूलन व आपत्कालीन मदत कार्य अशा विविध सामाजिक कार्यांत संस्थान नेहमीच अग्रेसर राहिले आहे.
