आधी महापालिका नंतर झेडपी ! ..मंगळवारी निवडणुकीची घोषणा ?

राज्यभर महापालिका निवडणुकीपूर्वी झेडपीच्या निवडणुका होतील असे चित्र होते. मात्र 18 झेडपी मध्ये आरक्षणाची 50 टक्क्यांची मर्यादा ओलांडल्यामुळे झेडपीच्या निवडणुका फेब्रुवारी महिन्यात होण्याची शक्यता आहे. अगोदर महापालिका निवडणुका होतील. मंगळवार दिनांक 16 डिसेंबर रोजी महापालिका निवडणुकीचा कार्यक्रम जाहीर होण्याची शक्यता आहे. विधानसभा अधिवेशन 14 डिसेंबर रोजी संपणार आहे. सोमवार किंवा मंगळवारी मंत्रिमंडळ बैठक होऊन त्यानंतर निवडणुकीची आचारसंहिता जाहीर होईल असे सांगण्यात येत आहे. 21 डिसेंबर रोजी नगरपालिका निवडणूक निकाल लागणार असून आता राज्यभर महापालिका निवडणुकीची उत्सुकता लागली आहे. महायुती आणि महाविकास आघाडीचे सर्वच घटक पक्ष आता मोर्चे बांधणीच्या कामाला वेग आला आहे. आपली कामे आचारसंहितेमध्ये अडकू नयेत म्हणून अनेक फाईली आता गतीने पळू लागल्या आहेत.