सोलापूर – मंगळवार, दिनांक ९ डिसेंबर २०२५ रोजी सकाळी ११.३० वाजता जुने जिल्हाधिकारी कार्यालयातील बहुउद्देशीय सभागृहात सशस्त्र सेना ध्वजदिन २०२५ निधी संकलन शुभारंभ कार्यक्रम तसेच निधी २०२४ मध्ये उत्कृष्ठ संकलन केलेल्या कार्यालयांना पुरस्कार वितरण कार्यक्रम आयोजित करण्यात आला आहे.
कार्यक्रमाचे अध्यक्षस्थान
जिल्हाधिकारी कुमार आशीर्वाद यांच्या अध्यक्षतेखाली हा कार्यक्रम होणार असून प्रमुख पाहुणे म्हणून –
मुख्य कार्यकारी अधिकारी, जिल्हा परिषद सोलापूर कुलदीप जंगम, आयुक्त, सोलापूर महानगरपालिका डॉ. सचिन ओंबासे, पोलीस आयुक्त, सोलापूर शहर एम. राजकुमार, पोलीस अधीक्षक,सोलापूर ग्रामीण अतुल वि. कुलकर्णी,शिक्षणाधिकारी,जिल्हा परिषद सोलापूर सचिन जगताप,शिक्षणाधिकारी,जिल्हा परिषद सोलापूर कादर शेख यांची उपस्थिती राहणार आहे.
निधी संकलनातील यश
सन २०२४ साठी शासनाने सोलापूर जिल्ह्यासाठी ₹१ कोटी ७२ लाख निधी संकलनाचे उद्दीष्ट दिले होते. त्यापैकी जिल्ह्याने ₹२ कोटी १७ लाख १५ हजार ४७० इतकी रक्कम संकलित करून सैनिक कल्याण विभाग (महाराष्ट्र राज्य), पुणे यांचेकडे वर्ग केली आहे. यामुळे उद्दीष्टाच्या १२६.२५% इतके यश मिळाले आहे.
आवाहन
जिल्हा सैनिक कल्याण अधिकारी, सोलापूर यांनी जिल्ह्यातील सर्व शासकीय व निमशासकीय कार्यालयांचे प्रमुख, माजी सैनिक, माजी सैनिकांच्या विधवा पत्नी, वीर पत्नी तसेच वीरमाता-पिता यांनी या कार्यक्रमास जास्तीत जास्त संख्येने उपस्थित राहावे असे आवाहन केले आहे.
