कामगारांची ये – जा, वाढती मागणी आणि वर्षाखेर वाढणारी प्रवासी गर्दी लक्षात घेता सोलापूर – अनकापल्ली साप्ताहिक विशेष गाड्या आणखी आठ फेऱ्यांसाठी सुरू ठेवण्याचा निर्णय रेल्वे प्रशासनाने घेतला आहे.
शुक्रवारपासून सोलापूर – अनकापल्ली गाडीचे चार अतिरिक्त फेर्यांसाठी ट्रेन क्रमांक 01477 सोलापूर – अनकापल्ली साप्ताहिक विशेष गाडी, जी 28 नोव्हेंबर 2025 पर्यंतच धावणार होती आता ती 5 डिसेंबर ते 26 डिसेंबर 2025 या कालावधीत दर शुक्रवारी धावणार आहे.
या कालावधीत एकूण चार फेऱ्या उपलब्ध होतील.
अनकापल्ली – सोलापूर ट्रेनचे देखील चार अतिरिक्त फेऱ्या वाढवण्यात आल्या असून ट्रेन क्रमांक 01478 अनकापल्ली – सोलापूर साप्ताहिक विशेष गाडी पूर्वनियोजित 29 नोव्हेंबर 2025 पर्यंत चालणार होती, परंतु आता ती 6 डिसेंबर ते 27 डिसेंबर 2025 या कालावधीत दर शनिवारी धावणार आहे.मध्य रेल्वेच्या सोलापूर रेल्वे प्रशासनाने गाड्यांच्या रचनेत किंवा थांब्यांमध्ये कोणताही बदल होणार नसल्याचे सांगत प्रवासी आधीप्रमाणेच त्याच मार्गावर आणि वेळापत्रकानुसार प्रवास करू शकतील असे सांगितले. रेल्वेच्या या निर्णयाने प्रवाशांना मोठा दिलासा मिळाला आहे.
