सोलापुरातील गजबजलेल्या रस्त्यावर चाकूने सपासप 11 वेळा वार करून खून केल्या प्रकरणी मुश्ताक नासिर पटेल याला अतिरिक्त जिल्हा व सत्र न्यायाधीश प्रशांत राजवैद्य यांनी जन्मठेपेची शिक्षा सुनावली.
ही घटना 2020 मध्ये नई जिंदगी परिसरात घडली होती.
न्यायालयाने आरोपी मुस्ताक पटेल याला भारतीय दंड विधान कलम 302 अंतर्गत जन्मठेप व पाच हजारांचा दंड तसेच महाराष्ट्र पोलीस अधिनियम 135 अंतर्गत चार महिन्यांचा कारावास आणि एक हजाराच्या दंडाची शिक्षा सुनावली.
या प्रकरणी सरकार पक्षाकडून जिल्हा सरकारी वकील प्रदीपसिंग राजपूत यांनी काम पाहिले. तपासी अंमलदार म्हणून पोलीस निरीक्षक हेमंत शेंडगे व कोर्ट पैरवी म्हणून एस एस घाडगे यांनी काम पाहिले.
