सोलापूर महापालिकेच्या अधिकाऱ्यांनी प्रशासकीय कालावधीमध्ये मनमानी कारभार करून अनेक कामात महापालिकेला चुना लावला आहे. तब्बल 18 कोटी रुपये खर्च करून गरज नसताना स्मार्ट सिटी योजनेतून पार्क स्टेडियमचा विकास करण्यात आला. शिवाय सुमारे तीन ते चार कोटी रुपये खर्च करून चार पुतळ्याच्या पाठीमागे असलेल्या वीर सावरकर जलतरण तलावाचे काम करण्यात आले. गेल्याच वर्षी या जलतरण तलावाचा ठेका स्टार इंटरप्राईजेस या कंपनीला खाजगी तत्त्वावर दिला होता. या करार पत्रानुसार 11 महिन्यासाठी तब्बल 18 लाख 46 हजार महापालिकेला मिळाले. मात्र महापालिकेचे आयुक्त सचिन ओंबासे तसेच उपायुक्त आशिश लोकरे यांचे महाराष्ट्र क्रिकेट असोसिएशनला ही अब्जावधी रुपयांची प्रॉपर्टी महाराष्ट्र क्रिकेट असोसिएशनला वर्षाला अवघ्या एक लाख रुपये भाडेतत्त्वावर तीस वर्षासाठी आंदण दिली आहे. ज्या जलतरण तलावातून सोलापूर महापालिकेला वर्षाकाठी 18 लाख रुपये मिळत होते,त्या जलतरण तलावासह, पार्क स्टेडियम , हॉलीबॉल, फुटबॉल मैदानासह ही सर्व प्रॉपर्टी महापालिका प्रशासनाने संशयास्पद व्यवहार करून महाराष्ट्र क्रिकेट असोसिएशन ला दिली. याची आता चौकशी करण्याची मागणी जोर धरू लागली आहे. अगोदर क्रिकेट मैदान मेंटेन करण्यास परवडत नाही म्हणून दिल्याचे प्रशासनाने माध्यमाला सांगितले. मात्र सर्वांना अंधारात ठेवून जिथून महापालिकेला वर्षाकाठी 18 लाखाचे उत्पन्न मिळते तो जलतरण तलाव देखील महाराष्ट्र क्रिकेट असोसिएशनला का दिला याचे उत्तर आता प्रशासन आणि देण्याची गरज आहे.
सोलापूर महापालिकेच्या अधिकाऱ्यांनी कवडीमोल भावाने दिली कोट्यावधीची इस्टेट..!
