अक्कलकोटचे आमदार सचिन कल्याणशेट्टी हे सध्या निधी खेचून आणण्यामध्ये वरचढ ठरत आहेत. अक्कलकोट मध्ये आधुनिक बस स्थानक उभारले जात असताना आता अक्कलकोट मध्ये न्यायालयाची इमारत उभारण्यासाठी तब्बल 51 कोटी रुपयांचा निधी मंजूर करण्यात आला आहे. सार्वजनिक बांधकाम विभागाने याबाबतचे टेंडर आजच प्रसिद्ध केले आहे. या न्यायालयाच्या नवीन इमारतीमध्ये बेसमेंट तळमजला आणि तीन मजले राहणार असून यात चार कोर्ट हॉल बांधले जाणार आहेत. 28 नोव्हेंबर रोजी हे टेंडर उघडले जाणार आहे. सोलापूरच्या जिल्हा न्यायालयात तब्बल 100 कोटी रुपये खर्चून इमारत उभारली जात आहे आता त्यानंतर 51 कोटी रुपये खर्चून अक्कलकोट मध्ये कोर्टाची भव्य दिव्य इमारत होणार आहे. अक्कलकोट तीर्थक्षेत्र विकास आराखड्यातील कामे सुरू झाल्यानंतर बहुतांश ठिकाणी अक्कलकोटचा चेहरा मोहरा बदलण्याचा हा प्रयत्न आहे
अक्कलकोट मध्ये होणार तब्बल 51 कोटी रुपयांची इमारत
