कृषी विभागाच्या जिल्हास्तरीय भरारी पथकास मिळालेल्या गोपनीय माहितीवरून जिल्हा अधीक्षक कृषी अधिकारी, सोलापूर यांचे कार्यालयाकडील आदेशानुसार दि.30नोव्हेंबर,2025 रोजी दत्तात्रय गावसाने , विभागीय कृषी सहसंचालक, पुणे विभाग,पुणे व शुक्राचार्य भोसले,जिल्हा अधिक्षक,कृषि अधिकारी, सोलापूर यांचे मार्गदर्शनाखाली भरारी पथकाचे अध्यक्ष हरिदास हावळे, कृषि विकास अधिकारी, जिल्हा परिषद,सोलापूर , सदस्य सचिव बाळू बागल , जिल्हा गुणवत्ता नियंत्रण निरीक्षक,सोलापूर;, मोहीम अधिकारी, अजय वगरे,जिल्हा कृषी अधिकारी सागर बारावकर,शरद गावडे,कृषी अधिकारी ,माढा, पथक सदस्य प्रविण झांबरे ,कृषी अधिकारी मोहोळ व विलास मिस्किन ,कृषी अधिकारी बार्शी,ईफको कंपनीचे प्रतिनिधी रवींद्र मोरे यांच्या उपस्थितीत कारवाई करण्यात आली. यामध्ये मे. रेवणसिद्ध ऍग्रो एजन्सी,मोडनिंबचे प्रो.प्रा. रेवण तनपुरे यांचे गोडाऊन मध्ये बनावट इफको आणि पी.पी.एल कंपनीच्या बॅग मधील 10:26:26 व 18:46:00 या रासायनिक बनावट खताचा साठा आढळून आला.
सदर खताचा पुरवठादार रामलिंग माळी, रा. बैरागवाडी व उत्पादक दीपक सस्ते, रा.ढवळेवाडी ता.फलटण यांचे विरुद्ध राष्ट्रीयकृत इफको व पीपीएल सारख्या खत उत्पादन करणाऱ्या कंपनीच्या नावे विनापरवाना खते उत्पादन व विक्री करणे, साठवणुकी बाबतचा परवाना न घेणे, शासनाची व शेतकऱ्यांची दिशाभूल व फसवणूक केल्यामुळे खत नियंत्रण आदेश- 1985 तसेच अत्यावश्यक वस्तू अधिनियम- 1955 मधील विहित तरतुदींचे उल्लंघन केलेले आहे.
यास्तव भरारी पथक प्रमुख तथा कृषी विकास अधिकारी जि.प., सोलापूर हरिदास हावळे यांचे कार्यालयाकडील आदेशानुसार शरद गावडे,कृषी अधिकारी माढा जिल्हा सोलापूर यांनी टेंभुर्णी पोलीस स्टेशन,टेंभुर्णी येथे उपस्थित राहून संबंधिताविरुद्ध FIR NO. 0707 दिनांक 31.10.2025 अन्वये गुन्हा दाखल केला असून पुढील तपास टेंभुर्णी पोलीस करत आहेत.
