सोलापूर-असोसिएशन ऑफ कन्सल्टिंग सिव्हिल इंजिनिअर्सतर्फे भरविण्यात येणाऱ्या स्थापत्य २०२५ या बांधकाम व अंतर्गत सजावट विषयक प्रदर्शनाचे उद्घाटन शुक्रवार दि २१ फेब्रुवारी रोजी सकाळी ११ वाजता नॉर्थकोट मैदानावर जिल्हाधिकारी कुमार आशीर्वाद यांच्या हस्ते होणार असल्याची माहिती असोसिएशन ऑफ कन्सल्टिंग सिव्हिल इंजिनिअर्सचे अध्यक्ष प्रशांत मोरे यांनी पत्रकार परिषदेत दिली
या उदघाटनास महापालिकेचे अतिरिक्त आयुक्त संदीप कारंजे तसेच मेटारोल इस्पात कंपनी जालनाचे व्यवस्थापकीय संचालक डी. बी. सोनी यांची प्रमुख उपस्थिती राहणार आहे. स्थापत्य २०२१ प्रदर्शन २१, २२ आणि २३ फेब्रुवारी रोजी नॉर्थकोर्ट मैदानावर सकाळी १० ते रात्री १० वाजेपर्यंत सर्वांसाठी पाहण्यास उपलब्ध राहणार आहे.
या पत्रकार परिषदेस असोसिएशन ऑफ कन्सल्टिंग सिव्हिल इंजिनिअर्सचे अध्यक्ष प्रशांत मोरे, उपाध्यक्ष भगवान जाधव, सचिव मनोहर लोमटे, खजिनदार संतोषकुमार बायस, सहसचिव जवाहर उपासे, सहखजिनदार मनोज महिंद्रकर, माजी अध्यक्ष अमोल मेहता, कार्यकारी समिती सदस्य वैभव होमकर, चंद्रमोहन बत्तूल, सिद्धाराम कोरे, काशिनाथ हरेगावकर, गणेश इंदापुरे, शैराज होमकर, रामकृष्ण येमुल, सुनील दूधगुंडी आदी उपस्थित होते.
