सोलापूर : महाराष्ट्र शासनाच्या वतीने आयोजित करण्यात आलेल्या दिव्यांग कलावंतांसाठीच्या बालनाट्य स्पर्धेत सोलापूरच्या दिव्यांग कलाकारांनी बाजी मारली आहे. राजीव गांधी मेमोरिअल स्कूल फॉर द ब्लाइंड, सोलापूर या संस्थेच्या झाले मोकळे आभाळ या नाटकासाठी तृतीय पारितोषिक जाहीर झाल्याची घोषणा सांस्कृतिक कार्य संचालक बिभीषण चवरे यांनी प्रसिध्दी पत्रकाद्वारे केली आहे.
या स्पर्धेत सोलापूरच्या ३० कलाकारांनी सहभाग नोंदविला होता यात अंध विद्यार्थी आणि मूकबधिर विद्यार्थी यांचा सहभाग होता. या स्पर्धेत या संघाने डॉक्टर सतीश साळुंखे लिखित झाले मोकळे आभाळ हे नाटक सादर केले होते. या नाटकाला शासनाचे सांघिक तृतीय क्रमांकाचे पारितोषिक प्राप्त झाले. तर नाटकाच्या दिग्दर्शनाकरिता अश्विनी तडवळकर यांना दिग्दर्शनाचे द्वितीय पारितोषिक प्राप्त झाले. शिवाय तंत्र विभभागांतील याच नाटकासाठी नेपथ्याचे द्वितीय पारितोषिक समर्थ आगाशे याला प्राप्त झाले आहे. तर सर्वोत्कृष्ट अभिनया करता ‘ झाले मोकळे आभाळ” या नाटकातील प्रमुख भूमिका साकारणाऱ्या रेवती नििंगाने हिला प्रमाणपत्र तर ममता मूकबधिर विद्यालयाच्या नाटकातील झाडवाली झुंबी या बालनाट्यातील विद्या स्वामी हिला देखील अभिनयाचे सर्वोत्कृष्ट प्रमाणपत्र प्राप्त झाले आहे. हे सर्व यशस्वी कलाकारांचे माजी आमदार आणि अखिल भारतीय मराठी नाट्य परिषद सोलापूर शाखेचे अध्यक्ष प्रकाश यलगुलवार, मुख्याध्यापक शशी भूषण यलगुलवार आणि सीमा यलगुलवार यांनी अभिनंदन केले आहे. या स्पर्धेसाठी परीक्षक म्हणून सुरेश चव्हाण, नंदलाल भुरे आणि संध्या कुळकर्णी यांनी काम पाहिले
दिव्यांग विद्यार्थिनी रेवती निगाणे विद्या स्वामींना अभिनय प्रमाणपत्र
शंभर टक्के अंध विद्यार्थ्यांनी रेवती निगाणे आणि १०० % मूकबधिर विद्यार्थ्यांनी विद्या स्वामी या दोघींनाही स्पर्धेत सर्वोत्कृष्ट अभिनयाचे प्रमाणपत्र प्राप्त झाले आहे. याशिवाय सलग तीन वर्ष तृतीय क्रमांकाचे पारितोषिक प्राप्त करणारे महाराष्ट्रातील एकमेव संघ म्हणून या संघाचा उल्लेख करावा लागेल. १०० % दृष्टीहीन असणाऱ्या या मुलांनी गेल्या तीन वर्षांपासून सतत तृतीय क्रमांकाचे पारितोषिक व अभिनयाचे रौप्य पदक आणि अभिनयाचे प्रमाणपत्र प्राप्त करण्याचा मान मिळवला आहे. या विद्यार्थ्यांना सिनेनाटय अभिनेते अमीर तडवळकर यांनीही मार्गदर्शन केले होते.
