सोलापूर : सोलापुरात सुटिंग आणि शर्टिंगमध्ये नामवंत असलेल्या दर्बी परिवार आणि दर्बी चारिटेबल ट्रस्टच्या माध्यमातून मंगळवार दिनांक 12 नोव्हेंबर रोजी आयोजित केलेल्या रक्तदान शिबिरास प्रचंड प्रतिसाद मिळाला. तब्बल 610 रक्तदात्यांनी यावेळी रक्तदानाचे पवित्र कार्य केले हे विशेष.
स्वर्गीय जयरामसा गोपाळसा दर्बी आणि स्वर्गीय अंबुबाई जयरामसा दर्बी यांच्या पुण्यस्मरण दिनानिमित्त दरवर्षी 12 नोव्हेंबर रोजी रक्तदान शिबिर आयोजित केले जाते यंदाच्या वर्षी हे शिबीर गुजराती भवन मध्ये आयोजित केले होते. रक्तदानाचे हे आठवे वर्ष आहे. स्व. श्री. जयरामसा गोपाळसा दर्बी आणि स्व. सौ. अंबुबाई जयरामसा दर्बी यांच्या प्रतिमेस पुष्पांजली अर्पण करुन मान्यवरांच्या हस्ते दीप प्रज्वलित करून उद्घाटन करण्यात आले.
कार्यक्रम प्रसंगी राजुसा काटवे, संतोष भंडारी व रघुनाथ बंकापुरे यांनी रक्तदान शिबिराबद्द्ल कौतुक केले. सर्व रक्तपेढीच्या आयोजका तर्फे दर्बी परिवारातील मान्यवरांचे स्मृतिचिन्ह देऊन सन्मान करण्यात आला.
यावेळी दर्बी परिवारातील सदस्यांनी सर्व रक्तदात्यांचे, मित्र परिवार, व्यापारी, कर्मचारी, व ग्राहक, यांचे आभार मानले व कृतज्ञता व्यक्त केली दर्बी चॅरिटेबल ट्रस्टच्या वतीनं रक्तदान शिबिराचें हे आठव वर्ष होतं. दर्बी परिवाराच्या वतीने भावना व्यक्त करताना, आमचा परिवार हा सामाजिक दायित्व ओळखून समाजाप्रती असलेली आपली जबाबदारी प्रामाणिकपणे पार पाडण्यासाठी यापुढे ही कटिबद्ध आहे, अशी ग्वाही जयंत दर्बी यांनी दिली. यावेळी तेजश्री दर्बी तसेच पूजा गोरख यांनी मनोगत व्यक्त केले.
याप्रसंगी गोपाळसा दर्बी, नित्यानंद दर्बी, लक्ष्मण दर्बी, जयंत दर्बी, दीपक कोल्हापुरे, जयेश गोरख, संजीव काटवे, गिरीश दर्बी, जयेश दर्बी, यशपाल दर्बी, राजेश दर्बी, आमरेश दर्बी, जय दर्बी, प्रविण दर्बी, विजयराज दर्बी, पुजा गोरख, अमृता कटवे, शोभा दर्बी रेखा दर्बी, लक्ष्मी दर्बी, भाग्यश्री दर्बी, गिरिजा दर्बी, जयश्री दर्बी,यशश्री दर्बी, सिमा दर्बी ऑड. मंगला जोशी, हेमा चिंचोळकर, डॉ. सचिन पांढरे, सुधाकर जाधव आदी उपस्थिती होते. डॉ. हेडगेवार रक्तपेढी, सिध्देश्वर ब्लड बँक, दामानी रक्तपेढी, तसेच अश्विनी रक्तपेढी (कुंभारी) यांचे सहकार्य लाभले.
