सोलापूर : सोलापूर जिल्ह्यातील सर्व विधानसभा मतदारसंघातील वंचित बहुजन आघाडीचे उमेदवारांच्या प्रचारार्थ शनिवार दिनांक ०९ नोव्हेंबर रोजी दुपारी साडेतीन वाजता वंचित बहुजन आघाडीचे राष्ट्रीय अध्यक्ष बाळासाहेब आंबेडकर यांची जाहीर सभा होणार आहे. ही सभा विजापूर रोडवरील नेहरू नगर येथील मागास सेवा मंडळ, चंद्राम गुरुजी शिक्षण संकुल डीएड कॉलेज या ठिकाणी होणार आहे. सोलापूर जिल्ह्यातील एससी, एसटी, ओबीसी बांधवांनी मोठ्या संख्येने उपस्थित राहावे असे आवाहन वंचित बहुजन आघाडीचे दक्षिण सोलापुरातील उमेदवार संतोष पवार यांनी केले आहे.
