सोलापूर: “फेस्टिव्ह फ्लीया” दिवाळी प्रदर्शनी 20 ऑक्टोबर रोजी उत्स्फूर्त सहभागासह संपन्न झाली. 18, 19 आणि 20 ऑक्टोबर या तीन दिवसांत जवळपास 5000 प्रेक्षकांनी या प्रदर्शनाला भेट दिली.
20 तारखेला चित्रकला स्पर्धा आणि 92.7 बिग एफएम आयोजित “खेळ पैठणीचा” कार्यक्रम मोठ्या उत्साहात आयोजित करण्यात आला. सकाळी 9 ते 11 या वेळेत झालेल्या चित्रकला स्पर्धेत 250 हून अधिक विद्यार्थ्यांनी सहभाग घेतला. या स्पर्धेत वयोमानाने विविध गटातले विद्यार्थी सहभागी झाले होते, ज्या गटांमध्ये 5 ते 10 वर्ष, 11 ते 20 वर्ष, आणि 20 वर्षांवरील विद्यार्थी समाविष्ट होते. प्रत्येक गटात प्रथम, द्वितीय, तृतीय आणि उत्तेजनात्मक पारितोषिके देण्यात आली, यासाठी यश डेव्हलपर्सच्या सौजन्याने पुरस्कार प्रदान करण्यात आले.
“खेळ पैठणीचा” कार्यक्रमात 500 पेक्षा जास्त महिलांनी सहभाग घेतला. यामध्ये प्रथम आणि द्वितीय क्रमांकाला पैठणी साडी देण्यात आली, तर पुढील दहा क्रमांकांच्या स्पर्धकांना विविध भेटवस्तू दिल्या गेल्या. या कार्यक्रमाचे सूत्रसंचालन पल्लवी यांनी केले.
“फेस्टिव्ह फ्लीया” या दिवाळी प्रदर्शनासाठी येस न्यूज मराठी, वेकअप सोलापूर, प्रभाव इंटरटेनमेंट, यश डेव्हलपर्स, आणि अथेर ई-बाईक यांचे सहकार्य लाभले. निरोप समारंभाच्या कार्यक्रमास मॅड अकॅडमीचे विकास गोसावी, असावरी गांधी, आशुतोष पाटील, श्रद्धा हुल्लेनुरू, आपटे मिल्क, धनराज बगले, येस न्यूजच्या शिवाजी सुरवसे, आणि वेकअप सोलापूरचे राहुल शेटे उपस्थित होते. सर्व स्टॉल धारकांनी या समारंभाला रंगत आणली.
दिवाळीच्या उत्सवाला विशेषतः आकर्षण मिळवणारे हे प्रदर्शन मोठ्या यशस्वीतेने पार पडले.
