सोलापूर – नामांकित हिरो कंपनीचे संस्थापक स्वर्गीय ब्रिजमोहन लाल मुंजाळ यांची जन्मशताब्दी येथील लक्ष्मी ऑटोमोबॉइल्स येथे एका सामाजिक उपक्रमाने साजरी करण्यात आली. या उपक्रमात रोटरी नॉर्थ
राधाकिशन फोमरां मूकबधिर विद्यालयातील विद्यार्थ्याना सहभागी करून घेण्यात आले.
प्रारंभी लक्ष्मी ऑटोमोबॉईलस् चे मालक दीपक पाटील यांनी सर्व बाळगोपाळलांचे आणि शिक्षकांचे स्वागत केले. रोटरी क्लब ऑफ सोलापूर नॉर्थ च्या नूतन अध्यक्षा डॉ जानवी माखिजा यांनी सर्वांना आमंत्रित केल्याबद्दल आणि या स्तुत्य उपक्रमाबद्दल दीपक पाटील यांचा पुष्गुच्छ देऊन सत्कार केला. मुख्याध्यापिका क्षितिजा गाताडे यांनी मुंजाळ यांच्या कार्याची माहिती मुलांना समजावून सांगितली.
या कार्यक्रमातील उपस्थित विद्यार्थ्याना शालेय साहित्य आणि खाऊ देण्यात आला. एक आगळा वेगळा सामाजिक उपक्रम या दिव्यांग मुलां सोबत साजरा केल्याबद्दल शाळेचे सचिव सुनील दावडा यांनी दीपक पाटील आणि त्यांच्या सहकाऱ्यांचे आभार मानले.
या प्रसंगी रोटरी नॉर्थ चे अध्यक्षा डॉ. जानवी माखीजा, शाळेचे सचिव सुनील दावडा, गंगाधर मदभावी,गजानन गडगे, नागनाथ बसाटे, रेणुका पसपूले, संध्या चंदनशिवे आदि उपस्थित होते.
