भारती विद्यापीठाचे संस्थापक महाराष्ट्र राज्याचे माजी मंत्री माननीय डॉ. पतंगरावजी कदम साहेब यांची जयंती व भारती विद्यापीठाचे कार्यवाह महाराष्ट्र राज्याचे माजी मंत्री माननीय डॉ. विश्वजीत कदम साहेब यांचा वाढदिवस याचे औचित्य साधून दिनांक 8 जानेवारी 2024 ते 13 जानेवारी 2024 यादरम्यान समाज प्रबोधन सप्ताहाचे आयोजन करण्यात आले आहे. या सप्ताह दरम्यान विविध शैक्षणिक सांस्कृतिक सामाजिक व आरोग्य विषयक उपक्रमांचे आयोजन केले आहे.
त्याचाच एक भाग म्हणून दिनांक 8 जानेवारी 2024 रोजी सकाळी साडेसात वाजता भारती विद्यापीठ विजापूर रोड पासून सायकल रॅलीचे आयोजन करण्यात आले होते. या रॅलीला प्रमुख पाहुणे म्हणून सोलापूरचे क्रीडा अधिकारी माननीय नरेंद्र पवार सर लाभले. सायकल रॅलीच्या सुरुवातीला अभिजीत कदम इन्स्टिट्यूट ऑफ मॅनेजमेंट अँड सोशल सायन्स सोलापूरचे संचालक डॉ. एस बी सावंत यांनी प्रमुख पाहुण्यांचे स्वागत केले उपप्राचार्य डॉ. पी. पी. कोठारी यांनी सायकल रॅली आयोजित करण्यामागचा हेतू विशद केला. प्रमुख पाहुणे श्री नरेंद्र पवार यांनी आपल्या भाषणामध्ये सायकल चालवणे मागचे महत्व विशद केले व विद्यार्थ्यांनी व नागरिकांनी जास्तीत जास्त सायकलीचा वापर करावा असे आवाहन केले.
कार्यक्रमाचे आभार प्रदर्शन श्री सचिन सूर्यवंशी यांनी केले तर सूत्रसंचालन प्राध्यापक डॉक्टर राहुल मांजरे यांनी केले. या रॅली मध्ये 500 हून अधिक विद्यार्थी व नागरिक यांनी सहभाग नोंदवला. या रॅलीच्या माध्यमातून सहभागी विद्यार्थी व नागरिकांनी पर्यावरणाचा समतोल राखण्याचे व प्रदूषण कमी करण्याचे आव्हान केले. यावेळी भारती विद्यापीठ माध्यमिक विद्यालयाचे प्राचार्य श्री मांडके सर, ग सा पवार प्राथमिक शाळेच्या मुख्याध्यापिका गोळे मॅडम, भारती विद्यापीठ बाल विकास मंदिर च्या मुख्याध्यापिका मोहोळे मॅडम भारतीय सहकारी बँकेचे शाखाप्रमुख हत्याळीकर साहेब तसेच सर्व शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते.
रॅलीचा मार्ग
भारती विद्यापीठ ते आय. टी. आय. कॉलेज ते पत्रकार भवन ते सात रस्ता ते प्रथम हॉटेल ते महावीर चौक ते आसरा ते डि. मार्ट ते दावत चौक परत भारती विद्यापीठ
