सोलापूर : सोलापुरात शूटिंग आणि शर्टिंगमध्ये अग्रेसर असलेल्या दर्बी परिवाराच्यावतीने दर्बी चॅरिटेबल ट्रस्टच्या माध्यमातून शनिवार दिनांक १२ नोव्हेंबर रोजी आयोजित केलेल्या रक्तदान शिबिरास प्रचंड प्रतिसाद मिळाला. तब्बल ४०१ पेक्षा जास्त रक्तदात्यांनी यावेळी रक्तदानाचे पवित्र कार्य केले. स्वर्गीय जयरामसा गोपाळसा दर्बी आणि स्वर्गीय अंबुबाई जयरामसा दर्बी यांच्या पुण्यस्मरण दिनानिमित्त प्रतिवर्षी 12 नोव्हेंबर रोजी महावीर सांस्कृतिक भवनामध्ये रक्तदान शिबिर आयोजित केले जाते.
यंदाचे हे सहावे वर्ष आहे. प्रारंभी दर्बी परिवाराच्यावतीने दीप प्रज्वलन करून रक्तदान शिबिरास सुरुवात करण्यात आली. यावेळी गोपाळसा दर्बी, नित्यानंद दर्बी,लक्ष्मण दर्बी, जयंत दर्बी, गिरीश दर्बी, जयेश दर्बी,,यशपाल दर्बी, राजेश, जय ,प्रवीण, विजयराज, अमरेश यांच्यासह दर्बी परिवारातील सदस्य उपस्थित होते. या शिबिराप्रसंगी प्रकाश मेंगजी, संतोष भंडारी राजेंद्र काटवे, हेमा चिंचोळकर ,एडवोकेट मंगला चिंचोळकर, नरेश पंचारिया ,डॉक्टर सचिन पांढरे ,सुधाकर जाधव ,रमेश सुतकर, दीपक कोल्हापुरे, संतोष कोल्हापुरे, प्रेम झाड आदी मान्यवरांनी उपस्थित राहून दर्बी परिवाराच्या या रक्तदान शिबिराचे कौतुक केले आणि शुभेच्छा दिल्या. या रक्तदान शिबिरामध्ये सिद्धेश्वर ब्लड बँक, डॉक्टर हेडगेवार ब्लड बँक आणि दमाणी ब्लड बँक सहभागी झाल्या होत्या.
