सोलापूर : येथील डॉ. रतनलाल संगेवाडीकर यांना पु. अ. होळकर सोलापूर विद्यापीठातून ‘ग्रामीण विकास’ विषयांमधील PhD (विद्यावाचस्पती) ही पदवी बहाल करण्यात आली आहे . सोलापूर जिल्हा संदर्भात-‘महिलांचे आरोग्य आणि मानव विकास’ या विषयावर त्यांनी संशोधन केले. यासाठी त्यांना मार्गदर्शक म्हणुन डॉ. अनिल पाटील, रेफरी म्हणुन डॉ. सुभाष सावंत तर चेअरमन म्हणुन डॉ गौतम कांबळे यांचे सहकार्य लाभले. डॉ संगेवाडीकर हे इंटिग्रेटेड मेडिकल प्रॅक्टिशनर असून त्यांनी त्यांचे BAMS शे. गो. रा. आयु. महाविद्यालय सोलापूर येथून पूर्ण केले आहे.त्यानंतर पू. अ. होळकर सोलापूर विद्यापीठ, सोलापूर येथे ‘रुरल डेव्हलपमेंट’ या विषयात एम. ए . केले आहे . सोलापूर विद्यापीठातील सामाजिक संकुलातील ग्रामीण विकास विभागात त्यांनी ‘महिलांचे आरोग्य व मानव विकास ‘ या विषयात संशोधन सादर केले. त्यासाठी त्यांना पी एच डी प्राप्त झाली आहे.
सोलापुरातील नॅशनल इंटींग्रेटेड मेडिकल अससोसिएशन (निमा) चे ते उपाध्यक्षही आहेत. त्यांच्या या यशाबद्दल निमा सोलापूर शाखेतर्फे अध्यक्ष डॉ. रवी गायकवाड व त्यांचे सहकारी यांनी त्यांचा सत्कार केला. ग्रामीण जीवनाची नाळ जिवंत ठेवत सोलापूर विद्यापीठातून ग्रामीण विकास विषयात MA केल्यानंतर PET परीक्षा पास होऊन महिलांच्या आरोग्यावर संशोधन करण्याचा त्यांनी निर्णय घेतला आहे. तसेच नोव्हेंबर महिन्यात याच विषयावर त्यांचे दिल्ली मधील सुप्रसिद्ध जवाहरलाल नेहरू विद्यापीठ (जे एन यू) येथे त्यांना पेपर प्रेझेंटेशन साठी आमंत्रित करण्यात आले आहे. दोन वेगवेगळ्या क्षेत्रात मिळवलेल्या डॉक्टरकीबद्दल समाजातील सर्व स्तरातून त्यांचे कौतुक केले जात आहे.
