सोलापूर – माझी वसुंधरा अंतर्गत सोलापूर जिल्ह्यातील 2342 शाळांमध्ये नैसर्गिक रंग तयार केले आहेत. नैसर्गिक रंग रंगपंचमी साठी वापर करणेत येणार असल्याची माहिती जिल्हा परिषदेचे मुख्य कार्यकारी अधिकारी दिलीप स्वामी यांनी दिली.
उद्या 22 मार्च रोजी रंगपंचमीचा सण आहे. या पार्श्वभुमीवर रंगपंचमी हा सण नैसर्गिक रंगाच्या साह्याने साजरा करणेसाठी सिईओ स्वामी यांनी आवाहन केले आहे.
याबाबत बोलताना सिईओ दिलीप स्वामी म्हणाले , रंगपंचमी हा सण सर्व ठिकाणी मोठ्या उत्साहाने साजरा करण्यात येतो. परंतू रासायनिक रंगाचे दुष्परिणाम पाहता नैसर्गिक रंग वापरून हा दिवस साजरा करण्यात यावा. या दिवशी नैसर्गिक रंग खेळून आनंद अनुभवता यावा. या अनुषंगाने फुलांच्या पाकळ्या, मेंदी, गुलमोहराची पाने, टोमॅटो, हळद, डाळीचे पीठ,हळद, बीट अशा नैसर्गिक पदार्थांपासून रंग तयार करण्यात यावे. अशा सुचना देणेत आले होते. आज 2793 शाळांपैकी 2342 शाळांनी या मध्ये सहभाग घेतला.
या शाळेत नैसर्गिक रंग तयार करण्याची कार्यशाळा घेणेत आली.
सोलापूर जिल्ह्यात माझी वसुंधरा अंतर्गत पर्यावरणाचे जतन व संवर्धन करणेसाठी विविध उपक्रम राबविले जात आहेत. वृक्षदिंडी, एक बैठक माझी वसुंधरेसाठी..! , एक पद एक वृक्ष असे अनेकविध उपक्रम राबवून सोलापूर जिल्ह्यात पर्यावरणाची चळवळ सुरू केली आहे. यास चांगले यश यश येत आहेत. लहान मुलावर या वयात पर्यावरणाते संस्कार व्हावेत. रासायनिक रंगामुळे बालवयात अपंगत्व येऊ शकते. डोळ्याला गंभीर इजा होऊ शकते.
या पार्श्वभुमीवर हा उपक्रम हाती घेणेत येत असल्याचे सिईओ दिलीप स्वामी यांनी सांगितले. जिल्ह्यातील गटविकास अधिकारी शिक्षण विभागातील सर्व अधिकारी, केंद्र प्रमुख, विस्तार अधिकारी, मुख्याध्यापक व प्राथमिक शिक्षक, पालक यांचा सहभाग महत्वपुर्ण आहे. एक पर्यावरणाची चळवळ तयार झाली. याबद्दस सिईओ स्वामी यांनी अभिनंदन केले. रंगपंचमीच्या सर्वाना शुभेच्छा दिल्या.
नैसर्गिक रंग तयार करणे दिवसभर मुलांची धडपड..!
………………..
केवळ उपक्रम राबविणेचे सुचना न देता उपक्रम कशा प्रकारे राबविता येईल याचे तांत्रिक प्रशिक्षण देखील प्राथमिक शिक्षण विभागाने शाळांना दिले आहे. यु ट्युब ची लिंक शाळा साठी उपलब्ध करून देणेत आली आहे. विद्यार्थ्यांनी प्रात्यक्षिकाचे आधारे मुलतानी माती, डाळीचे पीठ, कोळसा, मेहंदी, गुलमोहराची पाने, हळद, टोमॅटो, बीट आदी विविध पदार्थाचा वापर करणेत आला.जिल्हा शिक्षणाधिकारी किरण लोहार, उप शिक्षणाधिकारी संजय जावीर, विस्तार अधिकारी स्वाती स्वामी व त्यांची टीम हा उपक्रम यशस्वी होणे साठी प्रयत्न करत आहे.
दिलीप स्वामी, सोलापूर जिल्हा परिषद, मुख्य कार्यकारी अधिकारी 
