येस न्युज मराठी नेटवर्क : मध्यप्रदेश सांस्कृतिक कला परिषद,उस्ताद अल्लाउद्दीन खा संगीत अकादमी भोपाल यांच्या संयुक्त विद्यमाने प्रतिवर्ष भारतातील सांस्कृतिक क्षेत्रातील विविध राज्यातील कलाकार याना प्रदान करण्यात येते यदा पंडित भिमण्णा जाधव यांना मध्यप्रदेश सरकारचा पद्मश्री उस्ताद लतीफ खा पुरस्कारने 51000, सन्मानचिन्ह पुरस्कार पट्टी देऊन गौरवन्यात आले.निमित्त होते दुर्लभ वाद्य प्रसंग पद्मश्री उस्ताद लतीफ खा स्मृति समारोह कार्यक्रम अंतर्गत मध्यप्रदेश सांस्कृतिक कला परिषद सचिव श्रीवास्तव,उस्ताद अल्लाउद्दीन खा संगीत अकादमी सचिव जयंत भिसे, यांच्या कडून पुरस्कार प्रदान करण्यात आले.
या कार्यक्रम अंतर्गत पंडित भिमण्णा जाधव याचे सुंदरी वाद्य वादन कार्यक्रमात मास्टर व्यकटेशकुमार याचे सुंदरी वादन तर आशीष उपद्याय याची तबला साथ लाभली
पुणे आकाशवाणी केंद्राचे “A ग्रेड” व सोलापूरचे आंतरराष्ट्रीय कीर्तिचे प्रख्यात सुद्रीवादक पंडित. भिमण्णा जाधव हे सुंद्रीसम्राट सिद्राम जाधव यांचे नातू व पं. चिदानंद जाधव यांचे चिरंजीव आहेत. पं. भिमण्णा जाधव यांनी फ्रान्स मध्ये झालेल्या आंतरराष्ट्रीय फिल्म फेस्टिवलमध्ये भारताचे सांस्कृतिक प्रतिनिधी म्हणून सुंद्रीवादन केले होते. सवाई गंधर्व पुणे, तानसेन समारोह ग्वाल्हेर, दुर्लभ वाद्य समारोह भोपाळ, हरिवल्लभ संगीत समारोह पंजाब, प्रतिभा महोत्सव जयपूर भारत सरकारच्या माध्यमातून उस्ताद बिस्मिल्लाह खान युवा पुरस्काराने गौरवण्यात आले आहे. आजतागायत त्यांना 23 पुरस्कार, फेलोशिप, स्कॉलरशिप माध्यमातून त्यांचा सन्मान करण्यात आला आहे.
पंडित भिमण्णा जाधव हे भारत सरकार मिनिस्ट्री ऑफ कल्चरल व भारतीय संस्कृतिक संबंध परिषद नवी दिल्ली, महाराष्ट्र राज्य सांस्कृतिक कार्य संचालनालय वाद्य पुरस्काराचे गेल्या १० वर्षांपासून स्वीकृत सदस्य म्हणून कार्यरत आहेत. सुंद्रीवाद्याच्या प्रचार व प्रसाराकरिता प्रतिवर्ष भारतातील विविध राज्यातील युवा कलावंतांस सुंद्रीसम्राट व युवा गधर्व पुरस्काराने सन्मानित करत असतात. पंडित भिमण्णा जाधव यांनी Www.sundrimaestro.com या आमच्या संकेतस्थळाचे (website) लोकार्पण केले आहे.
ज्या विद्यार्थ्यांना संगीत विषयक, सुंद्री वादनाचे प्रशिक्षण घ्यावयाचे आहे, त्यांनी ४०७, दक्षिण कसबा, जुनी फौजदार चावडीजवळ, सोलापूर, मोबाइल क्र. ९४२३३१०८० यावर संपर्क साधावा असे आवाहन पंडित भिमण्णा जाधव यानी केले आहे.
