येस न्युज मराठी नेटवर्क : जगभरात कोरोना संसर्गाची तिसरी लाटेचा कहर सुरु आहे. अनेक देशांमध्ये कोरोना संसर्गाचे प्रमाण कमी झाले असले तरी काही देशांमध्ये कोरोनाचा कहर कायम आहे. यात आता एक मोठी आणि महत्त्वाची बातमी समोर आली आहे. जागतिक आरोग्य संघटनेचे प्रमुख टेड्रोस अ‍ॅडहानॉम गेब्रेयेसस यांनी असा दावा केला आहे की, कोरोना महामारी संपुष्टात आल्यानंतरही अनेक वर्षांपर्यत याचे परिणाम दिसतील.
जागतिक आरोग्य संघटनेच्या प्रमुखांनी चेतावणी दिली आहे की, येत्या काळात कोरोना विषाणूचे आणखी नवीन प्रकार समोर येतील. तसेच कोरोना महामारीचा प्रभाव दीर्घकाळ टिकू शकतो. त्यामुळे लोकांवर त्याचा परिणाम अधिक घातक ठरू शकतो. जागतिक आरोग्य संघटनेचे प्रमुख टेड्रोस यांचा विश्वास आहे की, कोरोना महामारीचे दुष्परिणाम अनेक दशकांपर्यंत जाणवू शकतात. त्यांनी सांगितले की, लसीकरणाबाबत जगातील देशांमध्ये मोठ्या प्रमाणात असमानता आहे.
