सोलापूर : जुना देगाव नाका येथील खड्डे वस्तीत राहणाऱ्या सराईत गुन्हेगार रमजान गफुर शेख याला 27 ऑगस्ट रोजी कायद्यानुसार स्थानबद्ध करण्यात आले. त्याच्याविरुद्ध साथीदारांसह दहशत निर्माण केली व भीती घालून आर्थिक फायदा मिळवण्याप्रकरणी गुन्हे दाखल आहेत.
थोबडे वस्ती ,डोणगाव रोड, जुना देगाव नाका, दमानी नगर , रामवाडी , सलगर वस्ती, वांगी रोड, सेटलमेंट कॉलनी या परिसरात त्याने गंभीर स्वरूपाचे गुन्हे केल्याचे स्पष्ट झाले आहे . सलगर वस्ती व फौजदार चावडी पोलिस ठाण्यात रमजान शेख याच्याविरुद्ध 16 गंभीर गुन्हे दाखल असल्याच्या नोंदी आहेत. त्याच्याविरुद्ध तडीपारीची कारवाई करण्यात आली आहे. रमजान शेख याला येरवडा कारागृह, पुणे येथे रवाना करण्यात येणार आहे.
