सोलापूर : एका व्यक्तीकडून साडेसात लाख रुपयांची लाच घेतल्याप्रकरणी सोलापूर शहरातील सलगर वस्ती पोलीस ठाण्याचे पोलीस निरीक्षक संपत पवार आणि साहाय्यक पोलीस निरीक्षक रोहन खंडागळे त्यांना पोलिस आयुक्त अंकुश शिंदे यांनी निलंबित केले आहे सलगर वस्ती पोलिस ठाण्याच्या पोलिस निरीक्षक पदी अश्विनी भोसले यांची नियुक्ती करण्यात आली आहे गेल्या सहा महिन्यात सहा पोलिस अँटी करप्शनच्या जाळ्यात अडकले आहेत.
निरीक्षक पवार आणि खंडागळे यांना शनिवारी न्यायाधीश व्ही. एच. पाटवदकर यांच्या न्यायालयात हजर केल्यानंतर २ दिवसांची पोलिस कोठडी मिळाली आहे. लाचलुचपत प्रतिबंधक विभागाचे उपअधीक्षक संजीव पाटील, पोलिस निरीक्षक कविता मुसळे तपास करत आहेत. न्यायालयात सरकारतर्फे दत्तूसिंग पवार, पोलिसतर्फे नीलेश जोशी या वकिलांनी काम पाहिले. लाच कारवाई शुक्रवारी झाली. पोलिसांनी या घटनेची माहिती देण्यासाठी रात्री विलंब केला. शनिवारी पोलिसांनी माहिती दिली.
लाचेची नेमकी काय घटना : तक्रारदार ठेकेदाराकडे डोणगाव परिसरात चार किमीचा मुरुम भरण्याचे कॉन्ट्रॅक्ट होते. एका शेतातील मुरुम चोरून नेल्याबाबत ठेकेदारविरुध्द तक्रार होती. ठेकेदाराचे जप्त केलेले डंपर सोडवणे तसेच त्यांना अटक न करता, तपासात मदत करण्यासाठी दहा लाखांची लाच मागितली होती. साडेसात लाख देण्याचे ठरलेे. जुना पूूना नाका येथे सापळा रचला होता. त्यावेळी खंडागळे यांना रंगेहाथ पकडले तर त्यांच्या चौकशीत निरीक्षक पवार यांचे नाव आल्यामुळे त्यांनाही अटक झाली.
पोलिस कोठडी मिळाली आहे. लाचलुचपत प्रतिबंधक विभागाचे उपअधीक्षक संजीव पाटील, पोलिस निरीक्षक कविता मुसळे तपास करत आहेत. न्यायालयात सरकारतर्फे दत्तूसिंग पवार, पोलिसतर्फे नीलेश जोशी या वकिलांनी काम पाहिले. लाच कारवाई शुक्रवारी झाली. पोलिसांनी या घटनेची माहिती देण्यासाठी रात्री विलंब केला. शनिवारी पोलिसांनी माहिती दिली.
