सोलापूर : माळशिरस नगरपंचायत कार्यालयातील प्रकल्प व्यवस्थापन सल्लागार देविदास कावळे यांना तीस हजार रुपयांची लाच घेताना रंगेहात पकडण्यात आले. लाचलुचपत प्रतिबंधक विभागाचे पोलीस अधीक्षक राजेश बनसोडे, अप्पर पोलीस अधीक्षक सुरज गुरव आणि सुहास नाडगौडा या पुण्यातील पथकाने या कारवाईसाठी मार्गदर्शन केले. माळशिरस तालुक्यातील रस्त्याच्या कामाचे काँक्रिटीकरण आणि गटारी बांधकाम केल्यानंतर बिले मंजूर करण्यासाठी तक्रारदाराकडून सुरुवातीला एक लाख रुपये लाचेची मागणी करण्यात आली होती. तडजोडीनंतर ७० हजार रुपये लाच देण्याचे ठरले होते. त्यातील पहिला हप्ता माळशिरस नगरपंचायत कार्यालयात स्वीकारत असताना सापळा रचून देविदास कावळे यांना पकडण्यात आले. सोलापूर शाखेचे पोलिस उपअधीक्षक संजीव पाटील यांच्या पथकाने ही कारवाई केली आहे. भ्रष्टाचार प्रतिबंधक कायदा कलम सात प्रमाणे गुन्हा दाखल करण्यात आला आहे.
माळशिरस नगरपंचायतीतील देविदास कावळे यांना लाच घेताना अटक
