गांधीनगर झोपडपट्टीतील बनसोडे बंधू तडीपार

सोलापूर : मार्केट यार्डच्या पाठीमागे गांधीनगर झोपडपट्टीत राहणाऱ्या श्रीकांत परशुराम बनसोडे, शशिकांत परशुराम बनसोडे आणि रवी उर्फ पिंटू परशुराम बनसोडे या तिघा भावांना तडीपार करण्यात आले आहे. जेलरोड पोलिस ठाण्याच्या हद्दीत रहाणाऱ्या रहिवासी व नागरिकांच्या जीवितास धोका निर्माण केल्यामुळे शहर आणि जिल्ह्यातून या ३ भावांना दोन वर्षांकरीता तडीपार करण्यात आले आहे. उस्मानाबाद जिल्हा व इंदापूर तालुक्यातून देखील या तिघांना तडीपार करण्यात आले आहे. बनसोडे बंधूनी विरुद्ध जेलरोड व एमआयडीसी पोलीस ठाण्यात विविध प्रकारचे गंभीर स्वरूपाचे गुन्हे दाखल आहेत. जेल रोड पोलिस ठाण्यातील गुन्हे प्रकटीकरण पथकाचे प्रमुख पोलीस उपनिरीक्षक डी. बी. लिगाडे पोलीस हवालदार शहीद शेख, बाबा फरीद ,निलेश पाटील, श्रीधर काळे , सोमशेखर उटगी, पोलीस शिपाई विशाल बनसोडे यांनी ही कामगिरी पार पाडली आहे.