सोलापूर : दारू व जुगाराच्या व्यसनामुळे कर्जबाजारी झाल्यानंतर पती विष्णू मधुकर गोडगे याने कपाटात ठेवलेल्या ४५ ग्रॅम वजनाच्या सोन्याच्या बांगड्या चोरल्याची फिर्याद दिपाली गोडगे या विवाहितेने फौजदार चावडी पोलिस ठाण्यात केली आहे. सोन्याच्या बांगड्या नेत असताना प्रतिकार केला असता विष्णू गोडगे याने मारहाण केल्याचेही दिपाली यांनी फिर्यादीत म्हटले आहे. यापूर्वी आपल्या भाऊजींनी पतीला ५०,००० रुपये आणून दिले होते, असेही तक्रारीत म्हटले आहे. ही घटना ३ जून रोजी दमाणी नगर सोनी सिटी येथील राहत्या घरी घडल्याचे फिर्यादीत म्हटले आहे. फौजदार चावडी पोलीस ठाण्याचे पोलीस सब इन्स्पेक्टर शेटे अधिक तपास करीत आहेत.
दारू व जुगारापायी पत्नीच्या सोन्याच्या बांगड्या चोरल्या
