सोलापूर शहरात २३२ नवीन व्यक्तींना कोरोनाची बाधा

२४ तासात ४९२ व्यक्ती कोरोना मुक्त

येस न्युज मराठी नेटवर्क : सोलापुरातील पालिकेच्या अहवालानुसार बुधवारी २३२ नवीन व्यक्तींना कोरोनाची बाधा झाली असून २४ तासात ४९२ व्यक्ती कोरोनातून मुक्त झाल्या आहेत. सोलापूर शहरातील १९ व्यक्तींचा कोरोनामुळे मृत्यू झाला आहे. त्यामध्ये ५० पेक्षा कमी वयाच्या तीन महिला आणि तीन पुरुष आहेत. सर्वात कमी वयाची महिला तीस वर्षांची असून पन्नाशी पेक्षा कमी वय असलेल्या कोरोना बाधितांचे मृत्यू ही महापालिकेच्या दृष्टीने चिंताजनक बाब ठरली आहे. ५० पेक्षा कमी वय असलेले शहरातील नागरिक तातडीने तपासणी करून न घेता घरीच उपचार करण्यावर भर देत असल्यामुळे हे संकट ओढवले असल्याचे जाणवते. प्रभाग क्रमांक २४ मध्ये सर्वाधिक ३१ नवीन व्यक्तींना coronaची बाधा झाली असून प्रभाग क्रमांक सात मध्ये २० १५ मध्ये 14 ,१६ मध्ये १६ प्रभाग क्रमांक पाच व सहा मध्ये प्रत्येकी पंधरा , प्रभाग क्रमांक २३ मध्ये २६ आणि प्रभाग क्रमांक २६ मध्ये २१ व्यक्तींना कोरोनाची लागण झाली आहे.