सोलापूर शहरात पुन्हा फिवर क्लीनिक अधिक गतीने गतिशील करणार – आयुक्त पी.शिवशंकर

सोलापूर- मागील काही दिवसापासून शहरभरात कोरोनाच्या रुग्णाची वाढत असल्याचे चित्र समोर येत आहे, शिवाय कोरोनाच्या रुग्णावर उपचार करताना रेमडिसिवर इंजेक्शन ऑक्सिजन आणि व्हेंटिलेटर बेडची नितांत गरज भासत आहे , कोरोनाने बाधित झालेला एखाद्या रुग्णावर वेळेच्या अधी उपाचार होणे अपेक्षित आहे , याकरिता शहराच्या विविध भागात फिरते फिवर क्लीनिक आणि फिवर केअर सेंटर अधिक कार्यक्षम पद्धतीने सुरू करण्यात येणार असल्याची माहिती पालिका आयुक्त पि.शिवशंकर यांनी दिली.कोरोनाच्या महामारीच्या काळात महापालिका प्रशासनाकडून विविध भागात शिक्षक आशा वर्कर्स यांच्या मार्फत सर्वेक्षण केले जात आहे शिवाय लसीकरण मोहीमस अधिक गती देण्या करिता प्रयत्न केले जात आहेत , पण पालिका प्रशासनाकडे मनुष्यबळ कमी पडत असल्याने पुढील काळात अत्यावश्यक सेवेत नसलेल्या शासकीय अधिकारी विद्यापीठातील टिचिंग नॉन टीचिंग स्टाफ आणि प्राध्यापकास पालिकेच्या कामात समाविष्ट करून घेण्यात येणार असल्याचे संकेत पालिका आयुक्तांनी दिले.राज्यात पंधरा दिवसाच्या लाॅकडाऊनची घोषणा झाल्या नंतर देखील करोनाच्या प्रादुर्भावाला रोखण्या करिता लोकांचा पाहिजे तसा प्रतिसाद मिळत नसल्याचे दिसून येत आहे ,अत्यावश्यक सेवेत सुरू ठेवण्यात आलेली दुकाने अशा दुकाना समोर होणारी गर्दी कमी करण्याकरिता आवश्यक त्या उपाययोजना करण्यात येणार आहे अशी माहिती आयुक्त पि. शिवशंकर यांनी दिली.वाढत कोरोनाचा प्रादुर्भाव पहाता आज आयुक्त पि. शिवशंकर यांनी सिव्हिल हॉस्पिटल समोरील आय.डी.एच हॉस्पिटल येथे अचानक भेट देऊन त्याठिकाणी उपस्थिती असलेले कर्मचारी यांची रजिस्टर चेक केले व त्याठिकाणी नागरिकांना देण्यात येणाऱ्या सुविधा बद्दल माहिती घेतली.कोरोना संदर्भातील विविध उपाययोजना व्यवस्थित करण्यास आयुक्त यांनी सूचना दिल्या.